පසුගිය මැයි 9වනදා ඇතිවූ සිදුවීමේදී පහරකෑමට ලක්වී ප්‍රතිකාර ලබමින් සිටි පුද්ගලයෙක් මියගොස් තිබෙනවා.
මෙලෙස මියගොස් ඇත්තේ කොල්ලුපිටිය පෙරහැර මාවත සහ බේරේ වැව අතර පදිකවේදිකාවේදී පහරකෑ පුද්ගලයෙක්.
ඔහු එදින තුවාල ලබා රාගම රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා කොළඹ ජාතික රෝහල වෙත මාරුකර යවා තිබෙනවා.
එහිදී ප්‍රතිකාර ලබමින් සිටි අදාළ පුද්ගලයා පසුගිය 16වනදා මියගොස් ඇති බවයි වාර්තා වන්නේ.
47 හැවිරිදි මිය ගිය පුද්ගලයා ගලහිටියාව කුලියාපිටිය ප්‍රදේශයේ පදිංචිකරුවෙක්.
පෙරේදා (18) පැවැත්වූ පශ්චාත් මරණ පරීක්ෂණයේදී අනාවරණය වී ඇත්තේ හිසට හා පපුවට සිදුවූ බහුවිධ තුවාල හේතුවෙන් එම මරණය සිදුවී ඇති බවයි.
