කොවිඩ් ආසාදිතව සිටි හිටපු අමාත්‍ය මංගල සමරවීර මහතා අභාවප්‍රාප්තවී තිබෙනවා.
කොවිඩ් ආසාදිතව සිටි ඒ මහතා පෞද්ගලික රෝහලක ප්‍රතිකාර ලබමින් සිටියා.
මියයන විට වයස අවුරුදු 65 ක පසුවූ හිටපු අමාත්‍යවරයා කොළඹ රාජකීය විද්‍යාලයේ ආදි ශිෂ්‍යයෙක්.
පසුගිය මස 25වනදා කොළඹ දී මාධ්‍ය හමුවක් කැඳවමින් තමන් තරුණ සංවිධාන සමඟ එක්වී ඇරඹූ “සැබෑ දේශප්‍රේමීන්” නම් නව බලවේගය හඳුන්වා දුන් ඔහු එහිදී පවසා සිටියේ “සර්ත් ෆේල්, සාත් ෆේල්.” යනුවෙනි.
ඉන් පසුව ඔහුට නැවත සමගි ජනබලවේගයට එක් වන ලෙසට ඉල්ලීම් කෙරුණත් ඔහු එය පිළිගත්තේ නෑ.
එමෙන්ම, විදේශ සබඳතා පැවැත්වීම සම්බන්ධයෙන් හිටපු විදේශ අමාත්‍යවරයෙකු වශයෙන් ඔහු නම් දැරූ අයෙක්.
පසුගිය මස මෙරටට ලද මොඩෙර්නා එන්නත් මාත්‍රා ලක්ෂ 15ක් ලබාදීමට ඇමරිකානු USAID හි පරිපාලන ප්‍රධානී සමන්තා පවර් මැදිහත්වූ අතර ඇය මංගල සමරවීර මහතාගේ සමීප හිතවතියක්.
තමන් ඉතාමත් කාර්‍යබහුල අවස්ථාවක වුවද ඇමරිකාවේ සිට ශ්‍රී ලංකාව වෙත ගෙන්වාගත හැකි එකම පුද්ගලයා මංගල සමරවීර බව ඇය ඔහුගේ දේශපාලන දිවියට වසර 30ක් පිරීම නිමිත්තෙන් කොළඹදී 2019 වසරේ පැවැති උත්සවයේ මුඛ්‍ය දේශනය පවත්වමින් ඇය පවසා සිටියා.
