මෙම වසරේ ලංකා ප්‍රිමියර් ලීග් ක්‍රිකට් තරඟාවලියේ ( LPL Player Draft ) ක්‍රීඩක තෝරා ගැනීම ලබන 29 වන සිකුරාදා පැවැත්වීමට ශ්‍රී ලංකා ක්‍රිකට් ආයතනය කටයුතු සූදානම් කරමින් පවතින බව වාර්තාවනවා.
ඒ සඳහා වන විදෙස් ක්‍රීඩකයින් ලියාපදිංචිය ද අවසන් වී තිබෙනවා.
ඒ අනුව විදෙස් ක්‍රීඩකයින් 677 දෙනෙකු මෙවර LPL තරඟාවලිය සඳහා ලියාපදිංචි වී සිටිනවා.
කණ්ඩායම් හිමිකරුවන් වෙත යොමු කිරීමෙන් පසු එම ක්‍රීඩකයින් ගෙන් 200 දෙනෙකු පමණ ක්‍රීඩක තෝරා ගැනීමට යොමු කිරිමට නියමිතයි.
ලියාපදිංචි වු විදෙස් ක්‍රීඩකයින් අතර ක්‍රිස් ගේල්, ඇන්ඩෘ රසල් , ඩේවිඩ් මලාන් , සහිඩ් අෆ්රීඩි , ෂොයිබ් මලික් , ශායි හෝප් , පැෆ් ඩුප්ලසි , ෂේල්ඩන් කොට්රල් වැනි ටී20 ප්‍රබල ක්‍රීඩකයින් රැසක් සිටින බව වාර්තාවනවා.
එමෙන්ම මෙවර තරඟාවලිය සඳහා දේශීය ක්‍රීඩකයින් 380 දෙනෙකු ද මේ වන විට ලියාපදිංචි වී සිටින බව වාර්තාවනවා.
මෙවර LPL තරඟාවලිය දෙසැම්බර් මස 4 වැනිදා සිට 23 දක්වා පැවැත්වීමට මේ වන විට සැළසුම් කර ඇති බව ශ්‍රී ලංකා ක්‍රිකට් ආයතනය මීට පෙර නිවේදනය කළා.
