ත්රිකුණාමලයේ නාවික හමුදා කඳවුරට අයත් භාණ්ඩ තොගයක් රැගෙන නාවික හමුදා ලොරි රථයකින් කොළඹට පැමිණෙමින් සිටි නාවික හමුදා සෙබළෙකු රාජකාරී ටි 56 ගිනි අවිය සහ උණ්ඩ 30ක් සහිත මැගසිනයක් සමඟ අතුරුදන්ව ඇතැයි වරකාපොල පොලීසිය පවසනවා.
සැකකාර නාවික සෙබලා ත්රිකුණාමලයේ නාවික හමුදා කඳවුරට අයත් සෙබලෙකු වන අතර ඉහත ලොරි රථයේ ආරක්ෂාව පැමිණ සිටි පුද්ගලයෙක්.
මෙම ලොරි රථය කොළඹ බලා පැමිණෙමින් සිටියදී ඊයේ (24) රාත්රියේ වරකාපොල වරයගොඩ ප්රදේශයේදී සැකකාර නාවික සෙබළා ඔහුගේ සොහොයුරා නිවසේ සිට රාත්රී ආහාර රැගෙන විත් ඇති බවට පවසමින් එම ආහාර රැගෙන ඒමට ලොරි රථයෙන් බැසගොස් ඇති අතර යලිත් ඔහු පැමිණ නොමැති බව පොලිසිය පවසනවා.
සැකකරු ලොරි රථයෙන් බැස ගොස් යළි නොපැමිණීම සම්බන්ධයෙන් සොයා බලා රථයේ රියදුරු වශයෙන් කටයුතු කළ නාවික සෙබළා සිද්ධිය සම්බන්ධයෙන් වරකපොල පොලිසියට පැමිණිලි කර තිබෙනවා.
