කොවිඩ් 19 වෛරසය ආසාදිත මුගටින් භූමදානය කිරීම නිසා ඩෙන්මාර්කයේ භූගත ජලයට වෛරසය එකතු වී ඇතැයි තමන් කළ ප්‍රකාශයට අදාළ කිසිදු සාක්ෂියක් තමන් සතුව නැති බව ජයවර්ධනපුර විශ්වවිද්‍යාලයේ ව්‍යවහාරික විද්‍යාපීඨයේ පීඨාධිපති, මහාචාර්ය මෙත්තිකා විතානගේ නිව්ස්19 වෙත පැවසීය.
ඇය මේ බව පැවසූවේ ඩෙන්මාකයේ කොවිඩ් 19 ආසාදිතව මියගිය මුගටියන් භුමීදානය කර ඇත්තේ කුමන ප්‍රදේශයක සහ ඒ පිළීබඳව දත්ත තමන් සතුව ඇති දැයි නිව්ස්19 විමසු අවස්ථාවේදීය.
මෙම භූමදානය නිසා භූගත ජලය දූෂණය වී ඇති බවත්, භූගත ජලය ආරක්ෂා කරගත යුතු බවත් වැඩිදුරටත් කළ විමසීමේදී ඇය සඳහන් කළාය. මෙහිදී කොවිඩ් 19 වෛරසය භූගත ජලයට එකතු වූ බවට සාක්ෂියක් හෝ මාධ්‍ය වාර්තාවක් ඇද්දැයි විමසීමේදී ඇය පැවසුවේ එවැනි කිසිවක් තමන් සතුව නැති බවත්, ඒ පිළිබඳව සොයාබැලිය යුතු බවත් ය.
