කොමියුනිස්ට් පක්ෂයේ දශක හතක පාලන කාලය තුළ ප්‍රභූ චීන ජනතාව දේශපාලන රැකවරණ පැතීම අසාමාන්‍ය දෙයක් නොවූ නමුත් ජනාධිපති ෂී ජින්පින්ග්ගේ පාලන තන්ත්‍රයේ එය දැන් සමූහ ලෙස නික්මයාමක් බවට පත්ව ඇති බව වාර්ත වේ.
සුළුතර ප්‍රජාවන්ට, නිදහසේ කතා කරන්නන්ට, ක්‍රියාකාරීන්ට, සහ ව්‍යාපාරික ධනවතුන්ට සහ ප්‍රසිද්ධ පුද්ගලයන්ට පවා එල්ල කරන ලද දරුණු මර්දනයන් විශාල වශයෙන් මෙම නික්මයාමකට තුඩු දී ඇති බව විදෙස් වාර්තා පවසයි.
කොවිඩ් -19 වසංගතය තුළ දැඩි අගුලු දැමීම් සහ රජයේ ඉහළ පෙළඹවීම් නිසා මිනිසුන්ගේ ජීවනෝපායට ද බලපෑම් කර ඇති අතර මධ්‍යම පාන්තික ජනතාවට ජීවත් වීමට වෙනත් රටක් සෙවීමට සිදු වී ඇති බව අදාළ වාර්තාවල දැක්වේ.
දැඩි අගුලු දැමීම් හේතුවෙන් සරණාගතභාවය ලබා ගැනීමේ දුෂ්කරතා පිළිබඳව ජනතාව දැනුවත්ව සිටියද, පසුගිය වසර තුන තුළ සරණාගතභාවය වෙනුවෙන් ඉදිරිපත් කල අයදුම්පත් සංඛ්‍යාව සීග්‍රයෙන් ඉහළ ගොස් තිබේ.
එක්සත් ජාතීන්ගේ සරණාගතයින් පිළිබඳ මහ කොමසාරිස්වරයාට අනුව, 2012 වසරේ දී චීනයෙන් සරණාගතභාවය පතා පැමිණෙන වාර්ෂික සංඛ්‍යාව 15,362 ක් විය.
කෙසේ වෙතත්, එය අඛණ්ඩව ඉහළ වේගයකින් වර්ධනය වූ අතර 2020 දී 1,08,071 දක්වා වැඩි වූ අතර මේ වසරේ එය දැනටමත් 1,20,000 සීමාව ඉක්මවා ඇති බව පැවසේ.
චීන ජනාධිපති ජින්පින්ගේ පාලන සමයේදී සරණාගතභාවය සඳහා ඉල්ලුම් කළ මුළු සංඛ්‍යාව 6,13,000 ඉක්මවා තිබේ.
