පාකිස්ථානයේ සංචාරයක නිරත වෙළඳ අමාත්ය ආචාර්ය බන්දුල ගුණවර්ධන මහතා එරට අග්රාමාත්ය ඉම්රාන් ඛාන් මහතා හමුවී තිබෙනවා.
ඒ පකිස්ථාන අග්රාමාත්ය කාර්යාලයේදීයි.
මෙම අවස්ථාවේ දී අදහස් දැක්වූ පාකිස්ථානු අග්රාමාත්ය ඉම්රාන් ඛාන් මහතා සඳහන් කළේ ශ්රී ලංකා-පාකිස්ථානු වෙළෙඳ ගිවිසුමෙන් උපරිම ප්රයෝජන ලබා ගැනීම සඳහා නිරන්තර සාකච්ඡා පැවැත්වීමත්, අදහස් හුවමාරු කරගනිමින් සිය වෙළෙඳ කටයුතු වඩාත් ව්යාප්ත වූ වපසරියක් තුළ පවත්වා ගැනීමට රටවල් දෙකෙහිම ව්යාපාරිකයන් මෙහෙයවීමට අවශ්ය පියවර ගත යුතු බවයි.
බෞද්ධාගමික ජනතාව පකිස්ථානයේ සංචාරය කිරිමේ වැඩපිළිවෙළ ප්රවර්ධනයට අපේක්ෂා කරන බව ද පකිස්ථාන අග්රාමාත්යවරයා මෙම හමුවේදී පැවසූ බව වෙළඳ අමාත්යංශය නිකුත් කළ නිවේදනයක සඳහන් වනවා.
එහිදීි අදහස් දැක්වූ වෙළෙඳ අමාත්ය ආචාර්ය බන්දුල ගුණවර්ධන , තමා වෙත සිදු කළ ආරාධනයට අනුව දෙරට අතර වෙළෙඳ සහයෝගීතාවය තවදුරටත් ශක්තිමත් කරගැනීමේ අරමුණින් ශ්රී ලාංකික ව්යාපාරික පිරිසක් සමඟ පාකිස්ථානයට පැමිණි අවස්ථාවේ දී, තමා ඇතුළු දූත පිරිස ලද පිළිගැනීම සම්බන්ධයෙන් සිය ස්තුතිය පිරිනමනු ලබන බවයි.
අධ්යාපන, සෞඛ්ය අංශ, තාක්ෂණික, ඇඟළුම්, සංචාරක ඇතුළු ක්ෂේත්රයන් ගණනාවක් තුළින් ශ්රී ලංකාව හා පාකිස්ථානය අතර වෙළෙඳ සහයෝගීතාවය වඩාත් ශක්තිමත්ව පවත්වා ගැනීම සඳහා කටයුතු කළ හැකි බව ද අමාත්යවරයා මෙහිදී සඳහන් කළා.
මෙම සාකච්ඡාව සඳහා ශ්රී ලංකාවේ කලාපීය සහයෝගිතා රාජ්ය අමාත්ය තාරක බාලසූරිය සහ විදේශ අමාත්යාංශ නියෝජිතයින්, වෙළෙඳ අමාත්යාංශ නියෝජිතයින් මෙන්ම ශ්රී ලංකාවේ හා පාකිස්ථානයේ ව්යාපාරිකයින් පිරිසක් එක් සිටියා.
I strongly believe that the meeting between me and Prime Minister of Pakistan Hon.Imran Khan, paved the way towards strengthening the bilateral Trade between the two countries by utilizing the FTA which subjects to maximize the benefits.#රටටසුබවේවා@ImranKhanPTI@TharakaBalasur1 pic.twitter.com/WLM3HpCMLo
— Dr. Bandula Gunawardhana (@BandulaDr) January 25, 2022