රසායනික පොහොර වලින් කාබනික පොහොරවලට මාරුවීම සඳහා ආණ්ඩුවට උපදෙස් ලබාදෙනු ලැබූවේ දෙරණ මාධ්‍ය ජාලයේ සභාපති දිලිත් ජයවීර මහතා, පාර්ලිමේන්තු මන්ත්‍රී පූජ්‍ය අතුරලියේ රතන හිමියන්, රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය අනුරුද්ධ පාදෙණිය මහතා හා මහාචාර්ය යාපා මහතාත් බව බතික්, අත්යන්ත්‍ර රෙදි හා දේශීය ඇඟළුම් නිෂ්පාදන රාජ්‍ය අමාත්‍ය දයාසිරි ජයසේකර මහතා පවසනවා.
අද (27) පැවති ශ්‍රී ලංකා නිදහස් පක්ෂයේ රැස්වීමකින් අනතුරුව මාධ්‍ය වෙත අදහස් පලකරමින් ඒ මහතා සදහන් කළේ වර්තමානයේ ඇතිවී ඇති පොහොර අර්බුදයට ඔවුන් වගකිවයුතු බවයි.
මෙරට නිරෝධායන නීති අනුව ප්‍රතික්ෂේපවී ඇති පොහොර නැව යළිත් වරක් මෙරටට ගොඩබෑමට දරණ උත්සහය නීති විරෝධී බව අමාත්‍ය දයාසිරි ජයසේකර මහතා පෙන්වා දෙනවා.
ඔහු සඳහන් කරන්නේ චීනයට හෝ වෙනත් රටකට මෙලෙස බලහත්කාරයෙන් ශ්‍රී ලංකාවට පොහොර හෝ වෙනත් යමක් ගෙනත් දැමිය නොහැකි බවයි.
එය සමාන වන්නේ ඉන්දියාවෙන් මෙරටට ගුවනින් පරිප්පු දැමු සිදුවීමට බවද ඔහු වැඩිදුරටත් සදහන් කරනවා.
ඊට අදාළ දර්ශන පහතින්,
