පසුගිය වසරේ ජූලි මස පළමුවෙනිදා මාධ්ය නිවේදනයක් නිකුත් කරමින් ජනාධිපති ගෝඨාභය රාජපක්ෂ මහතා ඉල්ලා සිටියේ තමන් හට පෞද්ගලික උත්සව සඳහා ආරාධනා නොකරන ලෙසයි.
ජනතා යහපත උදෙසා රජයේ සංවර්ධන ව්යාපෘති කඩිනම් කිරීමට සහ බිම් මට්ටමේ ජනතා ගැටළු විසදීමට ජනාධිපති ගෝඨාභය රාජපක්ෂ මහතා දෛනික කාර්යන් ලෙස ප්රමුඛතාවය දී ඇති බැවින් එවැනි ඉල්ලීමක් සිදුකරන බව ජනාධිපති මාධ්ය අංශය නිවේදනය කළා.
මේ හේතුවෙන් ඉදිරියේදී ජනාධිපතිවරයා ත්යාග ප්රදාන උත්සව, විවාහ උත්සව, සාද වැනි අවස්ථාවන්ට සහභාගීවීමට අපේක්ෂා නොකරන බැවින් ජාතික වගකීම් සපුරාලීමට සදහා ඒ මහතාට කාලය ලබාදී එවැනි ආරාධනා නොකරන්නැයි සියලු දෙනාගෙන් කාරුණිකව ඉල්ලා සිටින බවද නිවේදනයේ සඳහන් වුණා.
කෙසේ වෙතත් ජනාධිපතිවරයාගේ මෙම ඉල්ලීම නොසලකා හරිමින් සෞඛ්ය අමාත්ය කෙහෙළිය රඹුක්වැල්ල මහතා සිය දියණියගේ විවාහ උත්සවය සඳහ ජනාධිපතිවරයාට හා අග්රාමාත්ය මහින්ද රාජපක්ෂ මහතාට ඇරයුම් කර තිබෙනවා.
ඒ අනුව පසුගිය 30 වනදා කොළඹ සිනමන් ග්රෑන්ඩ් හෝටලයේ පැවති එම විවාහ උත්සවය සඳහා ජනාධිපති ගෝඨාභය රාජපක්ෂ මහතා හා අයෝමා රාජපක්ෂ මැතිණිය මෙන්ම අග්රාමාත්ය මහින්ද රාජපක්ෂ මහතා සහ ශිරන්ති රාජපක්ෂ මහත්මිය සහභාගී වුණා.