24 C
Colombo
Thursday, December 1, 2022

KP සමඟ ළමා ඇමති ළමා දිනය සමරයි

- Advertisement -

ද්‍රවිඩ ඩයස්පෝරාව සමග සාකච්ඡා කරන බව ජනාධිපති ගෝඨාභය රාජපක්ෂ මහතා ලෝක නායකයන් ඉදිරියේ ප්‍රකාශ කිරීම ඉතා වැදගත් බව එල්.ටී.ටී.ඊ. සංවිධානයේ ජාත්‍යන්තර අංශයේ නායකයා ලෙස හඳුන්වනු ලැබූ කුමරන් පද්මනාදන් හෙවත් කේ.පී. පවසනවා

ජනාධිපතිවරයාගේ දූරදර්ශී නායකත්වය ඉන් පැහැදිලි වන බවයි ඔහු පෙන්වා දෙන්නේ.

ඒ, කිලිනොච්චිය, සෙන්චෝලෙයි ළමා නිවාසයේදී ලෝක ළමා දිනය නිමිත්තෙන් පැවති වැඩසටහනකට සහභාගී වෙමින්.

කාන්තා හා ළමා සංවර්ධන රාජ්‍ය අමාත්‍ය පියල් නිශාන්ත මහතාගේ සහ KPගේ ප්‍රධානත්වයෙන් මෙම වැඩසටහන පැවැත්විණි.

වැඩසටහන අවසානයේදී මාධ්‍ය වෙත අදහස් දැක්වූ කුමරන් පද්මනාදන් මහතා සඳහන් කළේ

එමෙන්ම අවසන් යුධ සමයේදී මැලේසියාවේ සැඟවී සිටි තමාට කිසිඳු වත්කමක් ලබා දී නොතිබූ බවත් එදිනෙදා වියදමට පමණක් මුදල් ලබාදී තිබූ බවත් ඔහු පවසනවා.

“එහෙම වත්කම් තිබුණා නම් අපේ ජනතාව විනාශයෙන් බේර ගන්න තිබුණා. මොන මොන වත්කම් ඔවුන් දාමා ගියාද කියලා කවුරුත් දන්නේ නෑ. ඒ නිසා මේ කාරණාවට මෙතනින් නැවතීමේ තිත තිබ්බා නම් හොඳයි කියලා මම කියනවා.” යැයි ඔහු පවසයි.

ෂන්මුගන් කුමාරන් තර්මලිංගම් ( අන්වර්ථ නම් : සෙල්වරාසා පද්මනාදන් , කුමාරන් පද්මනාදන් හෝ කේ.පී) එල්.ටී.ටී.ඊ සංවිධානයේ නායකයෙකි. පද්මනාදන් ආයුධ ජාවාරම හා අපරාධ වලට කුමන්ත්‍රණය පිලිබදව ජාත්‍යන්තර පොලිසිය මගින් අවශ්‍ය කර ඇති පුද්ගලයෙකි. එමෙන්ම, ඉන්දියාව රජීව් ගාන්ධි ගාතනය සදහා අවශ්‍යව සිටින මොහු 2009 අගෝස්තු 5 වන දින අත්අඩංගුවට ගැනින.

1955 අප්‍රේල් මස 6 වන දින යාපනයේ කන්කසන්තුරේ දිස්ත්‍රික්කයේ උපන් ඔහු දෙමල , ඉංග්‍රීසි , ප්‍රංශ හා සිංහල කතා කිරීමේ හැකියාව ඇති අයෙකු වන අතර 1983 දී ලංකාව හැර ගොස් ඇත. මොහු මුලින්ම අධ්‍යාපනය ලබා ඇත්තේ කන්කසන්තුරයි නඩේශ්වර විද්‍යාලයේය. අනතුරුව යාපනය තෙලිප්පෙලේ මහජන විද්‍යාලයට ඇතුලත්ව වාණිජවේදී උපාධිය සදහා යාපනය විශ්ව විද්‍යාලයට ඇතුලත්ව ඇත. මුලින්ම ටෙලෝ සංවිධානයට බැඳී අතර එහිදී ඔහුට “කුමරන්” යන නම ලැබී ඇත.

පද්මනාදන් එල්ටීටීඊයේ ඉහළ පෙළේ නිලධාරියෙකු වූ අතර සංවිධානය සඳහා අවි ආයුධ මිලදී ගත් ප්‍රධාන තැනැත්තා ය. ඔහු කොටි සංවිධානය වෙනුවෙන් ගෝලීය ජාලයක් පවත්වාගෙන ගිය අතර එහි ආයුධ මිලදී ගැනීම්, සැපයුම් සහ මුදල් විශුද්ධිකරණ මෙහෙයුම් වල නිරත විය.

මුලින් මැලේසියාව පදනම් කරගෙන කටයුතු කළ ඔහු 1987 දී නැව් සමාගමක් ආරම්භ කළ අතර, 1990 දී මැලේසියානු විශේෂ අංශය විසින් එල්ටීටීඊ සංවිධානයේ ක්රියාකාරකම් මැඩපැවැත්වීමත් සමඟ සහ එම වසරේදීම එල්ටීටීඊ නැවක් අල්ලා ගැනීමත් සමඟ ඔහුට එම රටින් ඉවත් වීමට සිදු විය. පද්මනාදන් පසුව තායිලන්තයට ගිය අතර එය එල්ටීටීඊයේ ආරක්‍ෂිත තෝතැන්නක් විය. එහිදී ඔහු එල්ටීටීඊ සංවිධානය සඳහා බැංකු, ප්රසම්පාදන හා නාවික කටයුතු පිළිබඳ ප්රධානියා ලෙස කටයුතු කරන ලදි. සංවිධානයේ පැරණිතම ජාත්‍යන්තර අංශය වන එල්ටීටීඊයේ ප්‍රසම්පාදන අංශය වන “කේපී දෙපාර්තමේන්තුව” තායිලන්තයේදී පද්මනාදන් පිහිටුවා ගෙන නායකත්වය දුන්නේය. එම අවි ගබඩාවෙන් ත්‍රස්තවාදීන් සන්නද්ධ කිරීමේ වගකීම ඔහු සතු වූ අතර එමඟින් ශ්‍රී ලංකා හමුදාවට දැඩි අභියෝගයක් එල්ල විය.

තායිලන්තයේ වාසිදායක ව්‍යාපාර ගණනාවක් ආරම්භ කිරීමට අමතරව, පද්මනාදන් මෙරට අති නවීන බෝට්ටු අංගනයක් ස්ථාපිත කළ අතර එයින් මරාගෙන මැරෙන බෝට්ටු ඇතුළු විවිධ බෝට්ටු දුසිමකට අධික ප්‍රමාණයක් නිෂ්පාදනය කරන ලදී.

එල්ටීටීඊයේ තවත් ජාත්‍යන්තර අංශයක් වන “අයියානා කණ්ඩායම” විසින් “කේපී දෙපාර්තමේන්තුව” සමඟ සම්බන්ධ විය. ඉන්පසු එල්ටීටීඊයේ ප්‍රසම්පාදන අංශය ලෙස “කේපී දෙපාර්තමේන්තුව” කටයුතු කළ අතර, අයියානා සමූහය විසින් අරමුදල් රැස් කිරීම සහ සංවිධානයේ බුද්ධි මෙහෙයුම් ගැන සොයා බැලීය. 2007 දී ඇස්තමේන්තු කර ඇති ආකාරයට කොටි සංවිධානය ඔවුන්ගේ අරමුදල් රැස්කිරීමේ කටයුතු හරහා සහ නීති විරෝධී ව්‍යාපාර ගණනාවකින් වාර්ෂිකව ඩොලර් මිලියන 200-300 අතර ප්‍රමාණයක් උපයන බව ජේන්ගේ බුද්ධි විමර්ෂණයෙන් ඇස්තමේන්තු කර ඇත.

කොටි නායක වේළුපිල්ලේ ප්‍රභාකරන්ගේ සහ බුද්ධි අංශ ප්‍රධානී පොට්ටු අම්මාන්ගේ ඍජු මඟ පෙන්වීම යටතේ දෙපාර්තමේන්තු දෙකේම ප්රධානීන් කටයුතු කළ අතර ඔවුන් දෙදෙනාම ජාත්යන්තර පොලිසියේ වඩාත්ම අවශ්ය (most wanted) ලැයිස්තුවේ සිටියහ.

1991 මැයි 21 දින තමිල්නාඩුවේ ශ්රීපෙරුම්බුදූර්හි පැවති මහජන හමුවකදී හිටපු ඉන්දීය අගමැති රජීව් ගාන්ධි මරාගෙන මැරෙන බෝම්බකරුවෙකු විසින් ඝාතනය කරන ලදී. මෙම ඝාතනය සිදු කළේ එල්ටීටීඊ මරාගෙන මැරෙන බෝම්බකරු තන්මුලි රාජරත්නම් හෙවත් ධනු විසිනි.

රජීව් ගාන්ධි ඝාතනය කිරීමේ සැලැස්මට පද්මනාදන් සම්බන්ධ බව එවකට බුද්ධි අංශ පවසන ලදි. 2001 දී ඉන්දියානු මධ්‍යම විමර්ශන කාර්යාංශය (සීබීඅයි) විසින් රජීව් ගාන්ධි ඝාතනයට සම්බන්ධ යැයි විශ්වාස කරන කොටි සාමාජිකයින් ගැන තොරතුරු රටවල් 23කින් ඉල්ලා සිටින ලදි. එකල පද්මනාදන් සැඟවී සිටි බවට සැලකෙන ස්වීඩනය එම රටවලින් එකකි.

ප්‍රංශයේ ලියොන්හි පිහිටි ජාත්‍යන්තර පොලිසියේ මූලස්ථානය ද පද්මනාදන්ට එරෙහිව රතු නිවේදනයක් නිකුත් කළ අතර එමඟින් සැකකරු අත්අඩංගුවට ගෙන භාර දෙන ලෙස සාමාජික රටවලින් ඉල්ලීමක් කරන ලදි. එම නිවේදනයේ දැක්වෙන්නේ, “1991 මැයි 21 දින ඉන්දියාවේ තමිල්නාඩුවේදී රජීව් ගාන්ධි ඝාතනයට ධර්මලිංගම් (පද්මනාදන්) සම්බන්ධ බවට චෝදනා එල්ල වේ.” යනුවෙනි.

සිවිල් යුද්ධයේ අවසන් අදියරේදී ප්‍රභාකරන් ඇතුළු කොටි සංවිධානයේ බොහෝ නායකයින්ගේ මරණයත් සමඟ පද්මනාදන් එල්ටීටීඊයේ ජ්‍යෙෂ්ඨතම සාමාජිකයා ලෙස ඉතිරි විය. 2009 ජූලි 21 දින කොටි සංවිධානයේ විධායක කමිටුව විසින් ප්රකාශයට පත් කරන ලද ප්රකාශයකට අනුව පද්මනාදන් එල්ටීටීඊ සංවිධානයේ නායකයා ලෙස පත් කර ඇති බව සඳහන් විය.

පත්මනාදන් චැනල් 4 සම්මුඛ සාකච්ඡාවකදී කියා සිටියේ එල්ටීටීඊ සාමාජිකයින් 1500-2000ක් පමණ ලංකාවේ කැලෑ වල සැඟවී සිටින අතර ඔවුන් මේ වන විට සතුරුකම් නවතා ඇති නමුත් යුද්ධය නැවත ආරම්භ කිරීම සඳහා ඔහුගේ නියෝගය බලාපොරොත්තුවෙන් සිටින බවයි.

2009 අගෝස්තු 5 වන දින අග්නිදිග ආසියානු රටකදී පද්මනාදන් අත්අඩංගුවට ගනු ලැබීය. මූලික වාර්තා අනුව ඔහු තායිලන්තයේදී අල්ලා ගත් බව වාර්තා විය, නමුත් මෙය තායි බලධාරීන් ප්‍රතික්ෂේප කළේය. නමුත් පසුව ඔහු මැලේසියාවේ ක්වාලාලම්පූර් නගර මධ්‍යයේ පිහිටි ටියුන් හෝටලයේ දී ප්‍රාදේශීය බලධාරීන්ගේ සහයෝගයෙන් ශ්‍රී ලංකාවේ රාජ්‍ය බුද්ධි සේවා නියෝජිතයින් සහ රහසිගත ශ්‍රී ලංකා හමුදා බුද්ධි අංශයක් විසින් අත්අඩංගුවට ගත් බව පසුව හෙළි විය. ඔහු කොළඹට ගෙන ආ බව ශ්‍රී ලංකා රජය අගෝස්තු 7 දින නිවේදනය කළේය.

අත්අඩංගුවට ගැනීමෙන් පසු ඔහු ශ්‍රී ලංකා රජය සමඟ සහයෝගයෙන් කටයුතු කිරීමට පටන් ගත්තේය. 2010 ජූලි 9 වන දින පත්මනාදන් විසින් උතුරු-නැගෙනහිර පුනරුත්ථාපන හා සංවර්ධන සංවිධානය (NERDO) පිහිටුවන ලදි. 2012 ඔක්තෝම්බර් මාසයේදී ජාතික ආරක්‍ෂාව පිළිබඳ මාධ්‍ය මධ්‍යස්ථානයේ ප්‍රධානී ලක්ෂ්මන් හුළුගල්ල උපුටා දක්වමින් පද්මනාදන් අත්අඩංගුවෙන් නිදහස් කරන බව මාධ්‍ය වාර්තා කළේය. පසුව ඔහු එම වාර්තා ප්‍රතික්ෂේප කරමින් කියා සිටියේ විශේෂ ආරක්‍ෂාව යටතේ සිටින පද්මනාදන් හට ඔහුගේ රාජ්‍ය නොවන සංවිධාන කටයුතුවල නියැලීමට අවසර දී ඇති අතර මාධ්‍ය විසින් ප්‍රකාශයට පත් කළ පරිදි නිදහස් නොකළ බවයි.

කෙසේ නමුත් යුද්ධයෙන් පීඩාවට පත් දරුවන් රැක බලා ගනිමින් කිලිනොච්චියේ තවමත් ආරක්‍ෂක අත්අඩංගුවේ පසුවන පද්මනාදන් ඩේලි එෆ්ටී සමඟ පැවති විශේෂ සම්මුඛ සාකච්ඡාවකදී ප්‍රකාශ කර සිටියේ ප්‍රචණ්ඩත්වය පසෙකලා උතුරේ විපතට පත්වූවන්ට උපකාර කිරීම උදෙසා ආධාර කරන ලෙස තමන් ඩයස්පෝරාවෙන් ඉල්ලා සිටින බවත් නෑවතත් බෝම්බ පිපිරෙන යුගයකට යාමට වත්මන් ජනාධිපති ගෝඨාභය රාජපක්ෂ ඉඩ නොතබන බවත් ය.

RECENT ARTICLES - SINHALA

සුදු මැස්සා පාලනය කිරීමට හමුදාව හා හෙලිකොප්ටර් යොදාගන්න

පොල් වගාව තුළ වේගයෙන් පැතිර යන සුදු මැස්සා පාලනය කිරීම සදහා හමුදාව සහ හෙලිකොප්ටර් යොදවා කඩිනමින් එය පාලනය කිරීමට කටයුතු කරන්නැයි කුරුණෑගල...

Youtube බලා ස්නයිපර් තුවක්කුවක් සෑදු තරුණයෙක් අත්අඩංගුවට

0
Youtube සමාජ ජාලයේ එකේ දර්ශන නරඹමින් හමුදා ස්නයිපර් තුවක්කුකරුවන් භාවිතා කරන ගිනි අවියකට සමාන අඩි හතරකට ආසන්න දිගකින් යුත් ගිනි අවියක් නිපදවන...

සතොස භාණ්ඩ 04 ක මිල පහළ දමයි

ලංකා සතොස අත්‍යවශ්‍ය පාරිභෝගික භාණ්ඩ 04ක මිල පමණක් පහළ දමා ඇති බවට නිවේදනය කරනවා. ඒ අනුව හෙට දිනයේ (01)...

RECENT ARTICLES - ENGLISH

By increasing export taxes, industries should not be discouraged: COPF

0
Dr. Harsha de Silva, Chairman of the Committee of Public Finance instructed officials to the Ministry of Finance that an analytical report...

The new year begins with another massive electricity tariff hike

0
Cabinet has approved a hike in electricity tariffs under two steps in January and June 2023. Although the electricity...

Sari/Osari fiasco: Circular on state sector employees’ attire revoked

0
Circulars on the official attire of staff grade officers in the State sector have been revoked. According to the...