ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතා සිය අමාත්‍යධූරයෙන් ඉල්ලා අස්වී තිබෙනවා.
සිය ඉල්ලා අස්වීමට අදාළ ලිපිය ලාන්සා මහතා විසින් ජනාධිපතිවරයා වෙත භාරදී ඇති බවයි වාර්තා වන්නේ.
පසුගිය කාලය පුරාවටම නිමල් ලාන්සා මහතා ආණ්ඩුව තුළ දැඩි කළකිරීමෙන් සිටි බව ඔහුගේ සමීපතමයින් සදහන් කළා.
ඒ මහාමාර්ග අමාත්‍යංශය තුළ ඔහුට අදාළ වැඩකටයුතු කරගෙන යෑමට අදාළව කිසිදු සහයක් නොදීම හේතුවෙන්.
මහාමාර්ග කැබිනට් අමාත්‍යවරයා ලෙස කටයුතු කරන්නේ ජොන්ස්ටන් ප්‍රනාන්දු මහතායි.
