කොවිඩ් වසංගතය හමුවේ නිවසට සීමාවී අධ්‍යාපනය අඩාල වූ දරුවන් නැවත නිසි ලෙස අධ්‍යාපනය ලබාදීමේ රජයේ වැඩපිළිවෙළ යටතේ අද (21) දිවයින පුරා සිසුන් 200ට අඩු පාසල් විවෘත කෙරුණා.
ඒ අනුව කළුතර දිස්ත්‍රික්කයේ විවෘත වූ පාසල්වල දරුවන් දැකබලාගැනීම සඳහා වරාය හා නාවික අමාත්‍ය රෝහිත අබේගුණවර්ධන මහතාද එම දිස්ත්‍රික්කයේ පාසල් කිහිපයකට ඇද ගොස් තිබුණා.
එහිදී රෝහිත අබේගුණවර්ධන පදනම ක්‍රියාත්මක කරන “සිසු දරු යාත්‍රා” ව්‍යාපෘතිය යටතේ දරුවන්ට පාසල් බෑග් සහ පාසල් උපකරණ බෙදාදීමක් ද සිදුකෙරුණු බව ඒ මහතාගේ මාධ්‍ය අංශය නිවේදනය කරනවා.
එම බෑග් වල රෝහිත අබේගුණවර්ධන අමාත්‍යවරයාගේ රුව විශාල ප්‍රමාණයෙන් මුද්‍රණය කර තිබූ අතර “රෝහිත මාමාගෙන් පුංචි තිළිණයක්” ලෙසට සටහන් කිරීමටද අමාත්‍යවරයා අමතක කර තිබුණේ නැහැ.
