වසරකට වැඩි කළක් පැවති ගොවි විරෝධතා හේතුවෙන් පසුගිය වසරේ ක්‍රියාත්මක කළ ආන්දෝලනාත්මක ගොවි පනත් තුනක් අහෝසි කිරීමට ඉන්දීය අගමැති නරේන්ද්‍ර මෝදි තීරණය කර තිබෙනවා.
මෙම පනත්වලට එරෙහිව ගොවීන් දහස් ගණනක් පසුගිය නොවැම්බර් මාසයේ සිට දිල්ලි දේශසීමාවේ විරෝධතාවයේ නිරත වුණා.
ගොවීන් පවසන්නේ මෙම නීති මගින් ගොවිතැනට පුද්ගලික සමාගම්වලට ඇතුළුවීමට ඉඩ සැලසෙන අතර එමඟින් ඔවුන්ගේ ආදායමට හානියක් සිදුවන බවයි.
පසුගිය මාස කිහිපය තුළ ගොවීන් හා රජය අතර සාකච්ඡා වට කිහිපයක්ම පැවතියද ඒවා අසාර්ථක වුණා.
ඒ මෝදි රජයේ අමාත්‍යවරුන් මෙම නව නීති ගොවීන්ට යහපත් ඒවා බවට ඒත්තු ගැන්වීම සඳහා දිගින් දිගටම උත්සහ කිරීම හේතුවෙනි.
දේශපාලන විචාරකයින් පවසන්නේ මෙම තීරණයට හේතුවන්නට බොහෝ දුරට ඉඩ ඇත්තේ ගොවීන් විශාල සංඛ්‍යාවක් සිටින පන්ජාබ් සහ උත්තර් ප්‍රදේශ් ප්‍රාන්තවල පැවැත්වීමට නියමිත ප්‍රාන්ත මැතිවරණ බවයි.
