මන්නාරම මහෙස්ත්‍රාත් අධිකරණය ඉදිරිපිටදී යතුරුපැදියකින් පැමිණි දෙදෙනෙකු අද (16) උදෑසන සිදුකළ වෙඩි තැබීමකින් පුද්ගලයින් දෙදෙනෙකු ජීවිතක්ෂයට පත් වුණා.
එමෙන්ම සිද්ධියෙන් තවත් දෙදෙනෙකු තුවාල ලබා තිබුණා.
අද උදෑසන 9.20 ට පමණ යතුරුපැදියකින් පැමිණි පුද්ගලයින් දෙදෙනෙකු විසින් මෙම වෙඩි තැබීම සිදු කර පළා ගොස් තිබෙනවා.
මූලික විමර්ශනවලදී අනාවරණය වී ඇත්තේ අධිකරණයේ නඩු කටයුත්තක් වෙනුවෙන් පැමිණි සැකකරුවන් පිරිසක් ඉලක්ක කරගනිමින් මෙම වෙඩි ප්‍රහාරය එල්ල වී ඇති බවයි.
මන්නාරම උයිලන්කුලම ප්‍රදේශයේ සිදු වූ ඝාතන සිදුවීම් දෙකක් වෙනුවෙන් සැකපිට අධිකරණය වෙත රැගෙන ආ සැකකරුවන් පිරිසක් ඉලක්ක කොට මෙම ප්‍රහාරය එල්ල වී ඇති බව වැඩිදුරටත් වාර්තා වෙනවා.
පොලීසිය පවසන්නේ, වෙඩි තැබීම සඳහා පිස්තෝලයක් භාවිත කර ඇති බවයි.
සිද්ධිය සම්බන්ධයෙන් මන්නාරම පොලිසිය ඇතුළු කණ්ඩායම් කිහිපයක් පරීක්ෂණ පවත්වනවා.
