කොළඹ ජම්පටාවීදිය පොලිස් මුරපොළ ආසන්නයේ ඊයේ (25) දහවල් සිදුකළ වෙඩිතැබීමේ සිද්ධිය ගැන තවත් තොරතුරු කිහිපයක් මේ වනවිට අනාවරණය වී තිබෙනවා.
මෙලස වෙඩි ප්‍රහාරයට ලක්ව තුවාල ලබා තිබුණේ 55 හැවිරිදි මොහොමඩ් රිල්වාන් නමැති හේනමුල්ල මෙත්සඳ සෙවණ නිවාස සංකීර්ණයේ පදිංචිකරුවෙක්.
වෙඩිවැදුණු මොහොමඩ් රිල්වාන් ප්‍රබල මත්ද්‍රව්‍ය ජාවාරම්කරුවකු වන පූකුඩුකන්නාගේ සමීපතයෙකු බව මේ වනවිට අනාවරණය වී තිබෙනවා.
කලක පටන් පූකුඩුකන්නා සහ කුඩු සෙල්විගේ පුතාවන රිමෝෂන් නැමැත්තා අතර පැවති ආරවුලක ප්‍රතිඵලයක් ලෙස මෙම වෙඩිතැබීම සිදුකර ඇති බවට පොලීසිය සැකපළ කරනවා.
ජම්පටාවීදිය පොලිස් මුරපොළ ආසන්නයේ නිව්හැම් චතුරස්‍රයේදී මෙම වෙඩි තැබීම සිදුකර තිබු අතර එහිදී තුවාල ලැබූ රිල්වාන් නමැති එම පුද්ගලයා කොළඹ ජාතික රෝහලට ඇතුළත් කළ බව පොලිසිය සඳහන් කළා.
යතුරුපැදියකින් පැමිණි පුද්ගලයින් දෙදෙනෙකු කුකුළු මස් වෙළෙඳසැලක් අසළට පැමිණ මෙම වෙඩි තැබීම සිදුකර පළා ගොස් තිබෙනවා.
