වාහන ආනයනය තහනම් කර තිබෙන තත්ත්වයක් තුළ මෙරටට ආනයනය කරන ලද වාහන 400 කට ආසන්න සංඛ්යාවක් මේ වන විට වරාය භූමියේ දිරාපත් වෙමින් පවතින බව රේගු දෙපාර්තමේන්තුව පවසනවා.
අවුවට වැස්සට හසුවෙමින් පැවතීම හේතුවෙන් මෙම වාහනවල වටිනාකම දිනෙන් දින අඩුවෙමින් යන බවයි වාර්තා වන්නේ.
පසුගිය 2020 මාර්තු මාසයෙන් පසුව රජය විසින් වාහන ආනයන තහනම පැනවීමෙන් පසුව මෙම වාහන ඇණවුම් කර ඇති නිසා මෙම වාහන රාජසන්තක කරනවාද, නැද්ද යන්න පිළිබඳව කරුණු විමසා ශ්රී ලංකා රේගුව මුදල් අමාත්යංශය වෙත ලිපියක් යොමුකර තිබෙනවා.
අදාළ ලිපිය මගින් රේගු දෙපාර්තමේන්තුව මුදල් අමාත්යාංශයට දැනුම් දී ඇතිතේ වාහන ආනයනය සම්බන්ධයෙන් ක්රියාත්මක තහනමින් නතුරුව ඇණවුම් කර ඇති මෙම වාහන දැනට ක්රියාත්මක නීතියට පටහැනි බවයි.
කොළඹ වරාය තුළ ඇති වාහනවලින් වැඩි ප්රමාණයක් බලපත්ර ක්රමය යටතේ ජපානයෙන් සහ බ්රිතාන්යයෙන් ආනයනය කළ ඒවා බවත් එලෙස ආනයනය කරන ලද වාහන තුන්සීයකට අධික ප්රමාණයක් වරාය භූමියේ ඇති බවත් රේගු මාධ්ය ප්රකාශක සුදත්නද සිල්වා මහතා සදහන් කරනවා.
මීට පෙර දී රජය සඳහන් කළේ තහනමට පටහැනිව ආනයනය කර ඇති වාහන රාජසන්තක කර රාජ්ය ආයතනවලට ලබාදෙන බවයි.
මේ සම්බන්ධයෙන් ආනයන හා අපනයන පාලන දෙපාර්තමේන්තුවෙන් කළ විමසීමකදී එම දෙපාර්තමේන්තුවේ උසස් නිලධාරියෙකු සඳහන් කළේ මෙම වාහන සම්බන්ධ අවසන් තීරණය මුදල් අමාත්යංශය විසින් ගත යුතුව ඇති බවයි.