පාර්ලිමේන්තුවේ ආණ්ඩු පක්ෂය නියෝජනය කරමින් පාර්ලිමේන්තු මන්ත්‍රීවරුන් තිදෙනෙකු සහ විපක්ෂය නියෝජනය කරමින් පාර්ලිමේන්තු මන්ත්‍රීවරුන් දෙදෙනෙකු පාර්ලිමේන්තුවේ වඩාත්ම ක්‍රියාකාරී ලෙස වාර්තා වී ඇති ඉහළම මන්ත්‍රීවරුන් පස් දෙනා අතරට පත්ව තිබේ.
manthri.lk විසින් කරන ලද සමීක්ෂණයක් හරහා පසුගිය පෙබරවාරි මාසය සඳහා පාර්ලිමේන්තුවේ වඩාත්ම ක්‍රියාකාරී මන්ත්‍රීවරුන් මෙලෙස තෝරාගෙන තිබේ.
ඒ අනුව, ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු, අධිකරණ අමාත්‍ය අලි සබ්රි සහ වෙළද අමාත්‍ය බන්දුල ගුණවර්ධන යන මහත්වරුන් ශ්‍රී ලංකා පොදුජන පෙරමුණ නියෝජනය කරමින් පළමු පහ අතරට තේරී පත්ව ඇත.
එමෙන්ම විපක්ෂය නියෝජනය කරමින් විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල සහ ඉලංකෙයි තමිල් අරසු කච්චි පාර්ලිමේන්තු මන්ත්‍රී ෂානක්කියන් රාසමාණිකක්ම් යන මහත්වරුන් තේරීපත්ව තිබේ.
මෙහිදී පෙබරවාරි මාසයේ පාර්ලිමේන්තුවේ වඩාත්ම ක්‍රියාකාරී මන්ත්‍රීවරුන් පස්දෙනා පිළිවෙලින් පහත පරිදි වේ.
1) ජොන්සටන් ප්‍රනාන්දු
2) අලි සබ්රි
3) ලක්ෂ්මන් කිරිඇල්ල
4) බන්දුල ගුණවර්ධන
5) ෂානක්කියන් රාසමාණිකක්ම්
