තමන් බුද්ධගයාවේ ඉපදී මුචලින්ද නාග දරණය සිදුවූ ග්රාමයේ හැදී වැඩුණද තමන් වහන්සේ කුඩා කාලයේදී බුදුදහම ගැන නොඅසා තිබූ බව ඉන්දියාවේ හින්දු පවුලක ඉපදුණු භන්තේ නිරෝධ හිමියන් පවසනවා.
මාධ්යවේදී හරීන්ද්ර ජයලාල් සමඟ සාකච්ඡාවකට එක් වෙමින් උන්වහන්සේ පවසා සිටියේ එම පෙදෙස සහ රාජායතණය සිදු වූ අසල පෙදෙස මේ වන විට මුළුමනින්ම හින්දු ප්රදේශයක් බවට පත්ව ඇති බවයි.
මුචලින්ද නා රජු සිටි විල අසලම තම නිවස තිබුණත්, බුද්ධගයාව කිලෝ මීටර් 1.5ක් පමණ මෑතින් තිබුණත් බුදුන් වහන්සේ ගැන අසා තිබුණේ අංගුලිමාල දමනය වැනි කතා කිහිපයක් පමණක් බවයි උන්වහන්සේ පවසන්නේ.
රෝෂන් කුමාර් ලෙස ගිහි කල වෙසෙද්දී තමන්ගේ මිත්රයෙක් යොමු කළ නිසා තමන්වහන්සේ බෞද්ධ දහම්පාසලක් වෙත යොමු වූ බවත් එහිදී තමන් වහන්සේට යහපත අයහපත සම්බන්ධයෙන් ඉගෙන ගැනීමට ලද බවත් උන්වහන්සේ පවසනවා. එම සම්පූර්ණ වීඩියෝව පහතින්,