මෙරට ප්‍රථම වරට 100% දේශීය වශයෙන් නිෂ්පාදනය කරන ලද යතුරුපැදි සහ ATV වර්ගයේ විශේෂ යතුරු පැදි එළිදැක්වීමක් සම්බන්ධව තරුණ හා ක්‍රීඩා අමාත්‍යතුමා සහ සංවර්ධන සම්බන්ධීකරණ හා අධීක්ෂණ අමාත්‍යතුමා සහ ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා විසින් සිය ෆේස්බුක් පිටුවේ පල කළ සටහනක් සමාජ මාධ්‍යයේ දැඩි කතා බහකට ලක්ව තිබෙනවා.
ඒ අමාත්‍යවරයා 100%ක් දේශීය වශයෙන් නිෂ්පාදනය කරන ලද බව කියන ATV වර්ගයේ විශේෂ යතුරු පැදි චීනයේ නිෂ්පාදිත බවට ali baba වැනි වෙබ් අඩවි වල ඇති බව මෙරට සමාජ මාධ්‍ය භාවිතා කරන පිරිස් සොයා ගැනීමත් සමඟයි.
සම්පූර්ණයෙන්ම පෙනුමෙන් සමාන එම වාහන අන්තර්ජාලය ඔස්සේ ඇණවුම් කළ හැකි වනවා.
කෙසේ වෙතත් ඉන් පසුව අමාත්‍යවරයා සිය ෆේස්බුක් සටහන වෙනස් කිරීමකට ලක් කර ඇති අතර මේ වන විට එම සටහනේ දැක්වෙන්නේ ඒවා දේශීය වශයෙන් ලබා ගත් කොටස් වලින් පිළිවෙලින් 35% ක් සහ 50% ක් යොදා ගනිමින් මෙරටදී නිෂ්පාදිත යතුරු පැදි සහ ATV වර්ගයේ විශේෂ යතුරු පැදි බවයි.
මේ සම්බන්ධයෙන් පළවූ සටහන් පහතින්,
