නාමල් රාජපක්ෂ මහතා විසින් නිකුත් කරන ලද ට්විටර් පණිවුඩයක් සම්බන්ධයෙන් දෙරණ මාධ්‍ය ජාලයේ සභාපති දිලිත් ජයවීර මහතා උරණ වී තිබෙනවා.
ට්විටර් පණිවුඩයක් නිකුත් කරමින් ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍යවරයාද වන නාමල් රාජපක්ෂ මහතා සදහන් කර ඇත්තේ සමාජ මාධ්‍ය අවහිර කිරීම තමන් කිසිසේත් අනුමත නොකරන බවයි.
මේ නිසා මෙම තීරණය ගැන ප්‍රගතිශීලීව සිතා බලා එය නැවත සළකාබලන ලෙස තමන් බලධාරීන්ගෙන් ඉල්ලා සිටින බව නාමල් රාජපක්ෂ මහතා සිය ට්විටර් පණිවුඩයෙන් ඉල්ලා සිටිනවා.
කෙසේවෙතත් මීට ප්‍රතිචාර දක්වමින් දෙරණ මාධ්‍ය ජාලයේ සභාපති දිලිත් ජයවීර මහතා ප්‍රශ්න කර ඇත්තේ “ඩිජිටල් තාක්ෂණ අමාත්‍යවරයා ඔබ නොවන්නේද?” යන්නයි.
“මෙම ගැටළුව ඔබගේ බාප්පාට (ගෝඨාභය රාජපක්ෂ) පැවසිය නොහැකිද?” ලෙසද දිලිත් ජයවීර මහතා ප්‍රශ්න කර තිබෙනවා.
දිලිත් ජයවීර මහතා පසුගිය ජනාධිපතිවරණයේදී ජනාධිපති ගෝඨාභය රාජපක්ෂ මහතාගේ ජයග්‍රහණය වෙනුවෙන් ප්‍රසිද්ධියේම පෙනී සිටි පුද්ගලයෙක් වනවා.
කැළණි ගඟෙන් ධාතු රැගත් නාගරාජයෙක් මතුවීම, කොරෝනා මර්දන පැණියක් සොයාගත්බවට පැනි ධම්මික නම් පුද්ගලයෙකුට දැවැන්ත මාධ්‍ය ප්‍රචාරණයක් ලබාදීම වැනි මිත්‍ය මත පැතිරීම හේතුවෙන් ඔහුගේ දෙරණ මාධ්‍ය නාලිකාව ජනතාව අතර දැඩි පිළිකුළටද ලක්වුණා.
මේ පසුගිය ජනාධිපතිවරණයේදී ගාල්ල දිස්ත්‍රික්කයේ තැපැල් ඡන්ද ප්‍රතිපල නිකුත්වීමෙන් අනතුරුව දිලිත් ජයවීර මහතා තැබූ ෆේස්බුක් සටහනයි
