රටවල් දෙසීයක පමණ විවිධ තරාතිරම්වල පුද්ගලයන් විසින් සිදුකර ඇති අයථා ඉපයීම් පිළිබද කරුණු හෙළිකර ඇති පැන්ඩෝරා පත්රිකා මගින් පකිස්තාන ජාතිකයන් 700 ක් පිළිබද කරැණු අනාවරණය කර ඇතැයි එරට මාධ්ය වාර්තා කර තිබේ.
අගමැති ඉම්රාන් ඛාන් සම්බන්ධ සිදුවීමක්, ඔහුගේ ආණ්ඩුවේ මුදල් අමාත්ය ෂාකුද් තරීන් සහ ඔහුගේ පවුලේ සාමාජිකයන්, සෙනට් සභික ෆයිසාල් වවුඩා ඇතුළු අයගේ නම් ඒ අතර වන බව ඩෝව්න් පුවත් සේවය වාර්තා කර ඇත.
මෙම පිරිසට අමතරව, මාධ්ය හිමිකරුවන්, ජ්යෙෂ්ඨ හමුදා ප්රධානීන් රැසකගේ පවුල්වල සාමාජිකයන් මෙන්ම එරට ප්රබල ව්යාපාරිකයන් රැසකගේ නම් ද මෙහි ඇතුළත් වන බව සදහන් වේ.
මේ අතර පකිස්තාන අගමැති ඉම්රාන් ඛාන් සදහන් කර ඇත්තේ මේ සම්බන්ධයෙන් විධිමත් ලෙස කරුණු සොයාබැලීමට තමන් විසින් විශේෂ ඒකකයක් ස්ථාපිත කරන බවයි.
කෙසේවෙතත් අගමැති ඉම්රාන් ඛාන්ගේ මෙම ප්රකාශය හාස්යයට ලක් කර ඇති එරට විපක්ෂය මෙය මීට පෙර ද දූෂණ වංචා පිළිබද සෙවීමට පත් කර ඇති වෙනත් ඒකක මෙන් ඵල රහිත බවට චෝදනා නගා තිබේ.