පොහොරවලින් පවා ඇමතිවරුන් ගසාකෑම හේතුවෙන් තමන්වහන්සේටද වාහනයෙන් බැස පාරේ යාමට නොහැකි තත්වයක් උදා වී ඇති බව සිංහල රාවය සංවිධානයේ ප්රධාන ලේකම් මාගල්කන්දේ සුදත්ත හිමියන් පවසනවා.
ඒ, ඊයේ (21) පැවති මාධ්ය හමුවවකදී අදහස් දක්වමින්.
මෙරට දැඩි ඩොලර් හිඟයකට මුහුණපා සිටින මොහොතක, ඉන්දියාවේ ඇති වටිනාකමට වඩා වැඩි වටිනාකමකට මෙම නැනෝ නයිට්රජන් පොහොර අනායනය කිරීමට කටයුතු කළේ මන්ද යන්න සොයා බැලිය යුතු බවත් මීට සම්බන්ධ පාර්ශව අවීචි මහා නරකාදියේ උපත ලැබිය යුතු බවත් සුදත්ත හිමියන් පවසනවා.
“ජනතාව කබලෙන් ලිපට වට්ටන්න එපා. අහිංසක ගොවියාගේ හීරි මාංශය හූරාකන්න එපා. ඒ අදාල ඇමතිවරයා පවුලේ ඇමතිවරයෙක් වෙන්න පුළුවන්. වෙනත් වෙනත් ඇමතිකෙනෙක් උනත්, මොකෙක්ුනත් හොරා හොරාමයි. ගසා කෑවා නම් ඒකා තක්කඩියාමයි. ඒ නිසා වහාම නීතිය ක්රියාත්මක කරන්න” යැයි සුදත්ත හිමියන් ඉල්ලා සිටිනවා.
එමෙන්ම, ශෂීන්ද්ර රාජපක්ෂ, මහින්දානන්ද අළුත්ගමගේ යන අමාත්යවරුන්ට සහ රාජ්ය නිලධාරීන්ට එරෙහිව පරීක්ෂණයක්ද සිදුකරන ලෙසටත් උන්වහන්සේ ඉල්ලා සිටිනවා.