වසර 12 ක වාර්තාගත ධුර කාලයක් දැරූ අග්‍රාමාත්‍ය බෙන්ජමින් නෙතන්යාහුගේ පාලක පක්ෂය විපක්ෂයට යවමින් ඊශ්‍රායලයේ නව ආණ්ඩුව දිවුරුම් දීමට කටයුතු කරනු ඇත.
වසර දෙකක් තුළ පැවැත්වු මැතිවරණ හතරක් ඇති කළ දේශපාලන අර්බුදයකින් පසු බෙන්ජමින් නෙතන්යාහු පාලනය එසේ නිමාවට පත් විය.
ඒ අනුව දක්ෂිණාංශික ජාතිකවාදී පක්ෂයක ප්‍රධානියා වන නෆ්තාලි බෙනට් ඊශ්‍රායලයේ නව අගමැතිවරයා ලෙස දිවුරුම් දීමට නියමිතය.
එහෙත් ඔහුට බලය පවත්වා ගැනීමට පක්ෂ සන්ධානයක් ගොඩ නඟා ගැනීමට සිදුවනු ඇත.
බලය බෙදා ගැනීමේ ගනුදෙනුවක කොටසක් ලෙස බෙනට් මහතා 2023 සැප්තැම්බර් දක්වා ධුරයේ කටයුතු කරනු ඇත.
