සෑම දරුවෙකුටම උපතේදී ම ජාතික හැදුනුම්පත් අංකයක් නිකුත් කරන්නැයි රජයේ වෛද්ය නිලධාරීන්ගේ සංගමය ඉල්ලා සිටිනවා.
ළමා අයිතිවාසිකම් සුරක්ෂිත කිරීම සඳහා මෙය වැදගත් වන බවයි එම සංගමය පෙන්වා දෙන්නේ.
ජනාධිපති ගෝඨාභය රාජපක්ෂ වෙත ලිපියක් යොමු කරමින් ඔවුන් පවසන්නේ වයස අවුරුදු 16 ට හෝ ඊට පෙර එම අංකය සහිත ජාතික හැඳුනුම්පතක් නිකුත් කිරීම හරහා ළමා අයිතිවාසිකම් සහ යහපැවැත්ම තවදුරටත් ශක්තිමත් වන බවයි.
මීට අමතරව සැලසෙන ප්රතිලාභ 5 ක් ද රජයේ වෛද්ය නිලධාරීන්ගේ සංගමය පෙන්වා දී තිබෙනවා. ඒවා පහතින්,
- මව් රටේ පුරවැසි අයිතිය පිළිබඳ හැඟීමක් දරුවන් තුළ ඇතිවීම.
- ළමා අපචාර හා ළමා මෙහෙකාර සේවය නිසා දරුවන්ට සිදුවන බලපෑමෙන් ආරක්ෂා කරගත හැකිවීම.
- දරුවන් සඳහා රට පුරා ඒකාකාරී සෞඛ්ය සේවාවක් තහවුරු කරන හඳුනාගැනීමේ ක්රමවේදයක් ලෙස භාවිතා කිරීම.
- දරුවන්ගේ අධ්යාපන හා සමාජයීය අවශ්යතා සැපිරීමේදී හඳුනාගැනීමේ රහස්ය අංකයක් ලෙස භාවිත කිරීම.
- සීමිත සම්පත් දරුවන් වෙත ලබාදීමේදී සමානාත්මතාවය තහවුරු කරන ක්රමවේදයක් ලෙස භාවිත කිරීම.