29 C
Colombo
Tuesday, October 4, 2022

වෛද්‍ය පමාවෙන් වකුගඩු රෝගීන්ගේ අවදානම් ලැයිස්තුවක්..

- Advertisement -

මාළිගාවත්ත වකුගඩු මධ්‍යස්ථානයේ ශල්‍යකර්ම පමාවීමෙන් රෝගීන්ගේ ජීවිත අවදානමකට පත්ව ඇතැයි එහි අභ්‍යන්තර ආරංචි මාර්ග සඳහන් කරයි.

වකුගඩු බද්ධ කිරීමේ කටයුතු සඳහා අවශ්‍ය වෛද්‍ය අනුමැතිය පමාවීමෙන් මෙම තත්ත්වය නිර්මාණය වී ඇතැයි ද මේ නිසා රෝගීන්ගේ ශල්‍යකර්ම සිදුකෙරෙන කාල වකවානු අවිනිශ්චිතව ඇතැයි ද ඔවුන්ගේ බාරකරුවෝ රැසක්ම චැනල් 19 වෙත පැවැසූහ.

වකුගඩු බද්ධ කිරීමේදී දායකයා හා රෝගියාගේ ගැලපීම්වලට අදාළ මූලික වෛද්‍ය පරීක්ෂණවලින් පසුව රෝහලේ ආචාර ධර්ම කමිටුව වෙත අදාළ ගොනු යොමු කෙරෙන අතර මාලිගාවත්ත වකුගඩු මධ්‍යස්ථානයේ එම කමිටුව රැස්වීම පමාවෙමින් පවතින්නේ යැයි වාර්තා වේ.

වකුගඩු රෝගියාගේ හා දායකයාගේ අනන්‍යතාවත් බලපෑම්වලින් තොරව දායකත්වය දක්වන්නේද යනාදී කාරණාත් සොයා බැලෙන්නේ මෙම කමිටුවෙනි.

අදාළ කමිටුවේ මූලික විමසුම්වලින් පසුව ශල්‍යකර්මයට අදාළ ගොනුව සෞඛ්‍ය අමාත්‍යාංශය වෙත යොමු කෙරෙන අතර සෞඛ්‍ය අධ්‍යක්ෂ ජනරාල්වරයාගේ අවසාන අනුමැතියට යොමුකෙරෙන්නේ අමාත්‍යාංශ බලධාරින් මගිනි.

මේ අතර රුධිර කාන්දුකරණය සඳහා පැමිණෙන රෝගීන්ගේ භාරකරුවන්ට රෝහල් පරිශ්‍රයේ ප්‍රමාණවත් ඉඩ හා සනීපාරක්ෂක පහසුකම් නොමැතිවීමෙන් ඔවුහු ද දැඩි අසීරුතාවකට පත්ව සිටිති.

විෂබීජවලින් ආරක්ෂා කරගත යුතු සංවේදී රෝග ප්‍රජාවක් වීම හා මාලිගාවත්ත වකුගඩු මධ්‍යස්ථානය අවට පරිසරය ආරක්ෂිත නොවීම යන කාරණා නිසා සිය නෑ සියන්ගේ ජීවිත අවදානමට පත්ව ඇතැයි ද ඔවුහු පවසති.

මේ සම්බන්ධයෙන් එම මධ්‍යස්ථානයේ අධ්‍යක්ෂවරයා දුරකථනයට සම්බන්ධ කරගැනීමට උත්සාහ කළ ද සාර්ථක නොවීය.

මාළිගාවත්ත වකුගඩු මධ්‍යස්ථාන පරිපාලනය සිය කාන්දුකරණ කටයුත්තට අදාළ වේලාව රෝගීන්ට නිසියාකාරව සන්නිවේදනය නොකිරීමෙන් මීට පෙර කොවිඞ් පළමු ව්‍යාප්තිය අවස්ථාවේ ද විශාල ප්‍රශ්නයක් මතු විය.

උදා වී ඇති මෙම තත්ත්වය නිසා ආර්ථික හැකියාවක් ඇති ඇතැම් රෝගීන් සිය ප්‍රතිකාර සඳහා පෞද්ගලික රෝහල්වලට යොමු වන නමුත් දුප්පත් රෝගීන් විශාල පිරිසක් දැඩි අසරණභාවයකට පත්ව සිටින්නේ යැයි ද එහි ප්‍රකාශකයෙක් චැනල් 19 ට පැවැසීය.

RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...