භාණ්ඩ රැගෙන යාම සඳහා තමන්ට ලබාදෙන කුලිය රුපියල් 15ක් දක්වා ඉහළ නංවන ලෙස ඉල්ලා කොළඹ පිටකොටුවේ නාට්ටාමිවරු අද (22) විරෝධතාවක නිරත වුණා.
විරෝධතාවයේ නිරත නාට්ටාමිවරු සදහන් කළේ භාණ්ඩ පැටවීමේදී සහ ගොඩබෑමේදී දැනට ගෙවන මුදල කිසිසේත්ම ප්‍රමාණවත් නොවන බවයි.
මේ වන විට තමන්ට රුපියල් 6 ත් 10 ත් අතර මුදලක් ලැබෙන බවත් එම මුදලින් රුපියල් 30 ක් වන තේ කහට කෝප්පයක් හෝ බීමට නොහැකි බවත් ඔවුන් සදහන් කරනවා.
ජීවන වියදම දැඩිලෙස ඉහළ ගොස් ඇති තත්ත්වයක් තුළ තමන්ට රුපියල් 15 ක මුදල අනිවාර්යයෙන් අවශ්‍ය බවයි නාට්ටාමිවරුන් පෙන්වා දෙන්නේ.
එම මුදල ලබා නොදෙන්නේ නම් තමන් භාණ්ඩ ප්‍රවාහනය කිරීමෙන් ඉවත්වන බව ඔවුන් සදහන් කරනවා.
කෙසේ වෙතත් මේ සම්බන්ධයෙන් අදහස් දක්වමින් පිටකොටුව වෙළෙඳ ව්‍යාපාරිකයන් පවසන්නේ තමන්ට එම මුදල ලබාදීමට නොහැකි බවයි.
