ඇමෙරිකානුවන් වෙනුවෙන් ඩොලර් ටි්රලියන 1.9 ක දැවැන්ත සහන පැකේජයක් පිරිනැමීමට ඇමෙරිකාවේ නව ජනපති ජෝ බයිඩන් තීරණය කර ඇත.
කොවිඩ් වයිරසයෙන් පීඩාවට පත්ව සිටින තත්ත්වය සැලකිල්ලට ගෙන මෙම සහන පැකේජය පිරිනැමෙන අතර ඒ සඳහා කොංග්රසයේ අනුමැතිය අවශ්යවේ.
අදාළ පැකේජයට කොංග්රස් අනුමැතිය ලැබුණහොත් එක් ඇමෙරිකානුවෙකුට ඩොලර් 1400 ක සෘජු දීමනාවක් එමගින් ලැබේ.
මිලියන ගණනක ඇමෙරිකානුවන්ට රැකියාවෙන් උරුම වූ අභිමානය හා ගෞරවය තමන් කළ වරදකින් තොරව වසංගතයක් නිසා අහිමි වී යැයි ද මනුෂ්ය පීඩාවේ ගැඹුරුතම අර්බුදයක් පවතින මොහොතක නාස්ති කිරීමට කාලයක් නැතැයි ද නව ජනපති බයිඩන් පවසයි.
ඇමෙරිකානුවන්ගේ පැයක අවම වැටුප ඩොලර් 15 ක් කිරීම ද බයිඩන්ගේ මැතිවරණ පොරොන්දු අතර ප්රමුඛය.
කෙසේ වෙතත් ඇමෙරිකානු ව්යාපාර ක්ෂේත්රයෙහි බලවත් එරට වාණිජ මණ්ඩලය නව ජනපතිවරයාගේ යෝජනාවලිය අගය කරමින් නිවේදනයක් නිකුත් කර ඇත.
ආර්ථික ක්රියාවලිය නගාසිටුවීමට පෙර කොරෝනා වයිරසය පරාජය කිරීම මූලික වියු යුතු යැයි ඇමෙරිකානු වාණිජ මණ්ඩලය සිය නිවේදනයේ සඳහන් කර ඇත.
නව ජනපති ජෝ බයිඩන් ලබන 20 වැනිදා දිවුරුම් දීමට නියමිත අතර ඇමෙරිකාවේ පළමු කොවිඩ් ආසාදිතයා වාර්තා වී වසරක් පිරෙන්නේ ද එදිනටය.