මෙරට දේවස්ථානවලට ත්රස්ථ ප්රහාරයක් එල්ල විය හැකි බවට සමාජ මාධ්යයේ හා විද්යුත් මාධ්යයේ සංසරණය වූ පුවත සම්බන්ධයෙන් ආරක්ෂක අමාත්යංශය විසින් නිවේදනයක් නිකුත් කර තිබේ.
එම නිවේදනය හරහා ආරක්ෂ ලේකම් විශ්රාමික ජෙනරාල් කමල් ගුණරත්න මහතා පවසා සිටින්නේ එම පුවත සම්බන්ධයෙන් අදාළ බලධාරීන් විසින් විශ්ලේෂණය කිරීමක් හෝ තහවුරු කිරීමක් සිදුකර නොමැති බවයි.
එබැවින් අදාල පුවත සම්බන්ධයෙන් කලබලයට පත්වීමට කිසිදු හේතුවක් නොමැති බවයි ආරක්ෂක ලේකම් විශ්රාමික ජෙනරාල් කමල් ගුණරත්න මහතා වැඩිදුරටත් සදහන් කරන්නේ.
ත්රස්ත ප්රහාරයක් සිදු විය හැකි බවට තොරතුරු ලැබී ඇති හෙයින් සෝදිසියෙන් සිටින ලෙස දේවස්ථානයේ ජනතාවට අනතුරු ඇඟවීම සඳහා නාවික හමුදා නිලධාරීන් පිරිසක් ඊයේ ජාඇල බෝපිටිය ශාන්ත නිකලස් දේවස්ථානයට පැමිණීමේ පුවතට අදාලව මෙම පැහැදිලි කිරීම සිදු විය.
නාවික හමුදා නිලධාරීන් පැමිණෙන අවස්ථාවේදී පල්ලියේ ප්රධාන පූජකවරයා නොසිටි හෙයින් නිලධාරින් මේ සම්බන්ධයෙන් පල්ලියේ මෙහෙකාරියකට දැනුම් දී පිටව ගොස් ඇත.
නාවික හමුදා නිලධාරීන් පැමිණෙන අවස්ථාවේදී පල්ලියේ ප්රධාන පියතුමා නොසිටි හෙයින් නිලධාරින් මේ සම්බන්ධයෙන් පල්ලියේ මෙහෙකාරියකට දැනුම් දී පිටව ගොස් ඇත.
පසුව පියතුමා පල්ලියට පැමිණි නාවික හමුදා නිලධාරියාගෙන් මේ ගැන විමසීය. ඔහු මෙය අගරදගුරු නිවසෙන්ද විමසා ඇත.
කෙසේ වෙතත් නාවික හමුදා නිලධාරීන් අද ආපසු පැමිණ තත්ත්වය නිවැරදි කළ බවයි දේවස්ථානයේ ජයන්ත නිමල් පියතුමා පැවසුවේ .
ආරක්ෂක අමාත්යාංශය ද මේ සම්බන්ධයෙන් නිවේදනයක් නිකුත් කර ඇති අතර, ප්රහාරය පිළිබඳ විය හැකි පණිවුඩය මූලික තොරතුරු මත පදනම් වූවක් බවත් එය අදාළ බලධාරීන් විසින් විශ්ලේෂණය නොකරන බවත් තහවුරු නොකරන බවත් පැහැදිලි කළේය.