ඇෆ්ගනිස්තානයේ දැනට පවතින ආර්ථික හා සමාජ තත්වය තවදුරටත් එළෙසම පැවතුණහොත් එරට සමස්ත ජනගහනය වන කෝටි හතරම අන්ත දිලින්දන් බවට පත්වනු ඇතැයි එක්සත් ජාතීන්ගේ සංක්රමණික ඒජන්සිය සදහන් කරයි.
එම ඒජන්සිය සදහන් කර ඇත්තේ වර්ෂ 2022 මැදභාගය වන විට සමස්ත ඇෆ්ගනිස්තානයේම ජනගහනය අන්ත දිලිදු තත්වයට පත්වීමේ වටාපිටාවක් නිර්මාණය වී ඇති බවයි.
එම තත්වය වෙනස් කිරීමට නම් ලෝකයේ සියලු පාර්ශව එක්ව දැන් සිටම කඩිනම් වැඩපිලිවෙලක් සැකසිය යුතු බව ද එම ඒජන්සිය ලෝක ප්රජාවට අවධාරණය කරයි.
ඇෆ්ගනිස්තානයේ අත්යවශ්ය සේවා සැපයීම මේ වනවිට සම්පූර්ණයෙන්ම බිදවැටී ඇති බවත් සෞඛ්ය පහසුකම් ද අවම වී ඇති බවත් අන්තර්ජාතික සංක්රමණිකයන් පිළිබද ඒජන්සිය නිකුත් කළ වාර්තාවේ වැඩිදුරටත් සදහන් වේ.