නෙළුම් කුලුන ප්රදර්ශනය කිරීමෙන් දිනකට රුපියල් මිලියන 03 ක් සෙවීමෙන් සතුටු විය නොහැකි බව පාර්ලිමේන්තු මන්ත්රී පාඨලී චම්පික රණවක පවසනවා.
එම ව්යාපෘතිය සඳහා ලබාගෙන ඇති ණය පියවීමට නම් ඩොලර් උපයාගත යුතු බවත් ණය ගෙවීම සඳහා අවම වශයෙන් දිනකට ඩොලර් 41,000 ක් වත් උපයා ගත යුතු බවත්, එය කිසිසේත්ම සපුරා ගත නොහැකි ඉලක්කයක් බවත් චම්පික රණවක පෙන්වා දෙනවා
ඉදිරි වසර 05 ක කාලය තුළ පමණක් ගෙවිය යුතු මුදල ඩොලර් මිලියන 56 ක් බවත්, නෙළුම් කුලුන වැනි ව්යාපෘති සංවර්ධිත රටවලට මිස බංකොලොත් රටවලට නොගැලපෙන බවත් දකුණු ආසියාවේ ලොකුම එක නිර්මාණය කළ පමණින් රට සංවර්ධනය නොවන බව දැන්වත් තේරුම් ගතයුතු බවත් මන්ත්රීවරයා පවසනවා
පිටතින් හැඩට ඔප දමා තව්තිසාව යැයි හැඳින්වුවද මෙවැනි ප්රතිඵලදායක නොවන ව්යාපෘති පිටුපස මහා කරුම කතාවක් සැඟවී තිබෙන බවත්, ශ්රී ලංකාව මුහුණදෙමින් සිටින බංකොලොත්භාවයද එම කරුම කතාවේ සැඟවී ඇති බවත් චම්පික රණවක පවසනවා. පාලකයන් ජනතාවගේ ජීවිත උගසට තබා ණය ලබාගෙන සිදුකරන මෙවැනි අසාර්ථක ව්යාපෘතිවල කරුමයේ බව දරන්නට සිදුවන්නේද දුප්පත් ජනතාවටම බවයි මන්ත්රීවරයා සඳහන් කරන්නේ.