මීගමුව නගරාධිපති හා රාජ්ය අමාත්ය නිමල් ලන්සාගේ සොයුරු දයාන් ලන්සා මහතාට මීගමුව – වැල්ලවීදියේදී පිරිසක් පහරදී ඇති බවට මීපුර වෙබ් අඩවිය වාර්තා කරනවා.
නගරාධිපතිවරයා වැල්ලවීදිය – කුඩාපාඩුව ප්රදේශයේ හෝටලයක සාදයකට සහභාගීවී සිටියදී මුහුදු වෙරළේ ක්රීඩා කරමින් සිටි තරුණියින් පිරිසකට අයත් බෝලයක් ඔහුගේ මෝටර් රථයේ වැදීමත් සමඟ යම් බහින් බස්වීමක් ඇතිව තිබෙනවා.
පසුව නගරාධිපතිවරයා එහි සිටි අයෙකුට පහරදීමත් සමඟ පහරකෑමට ලක්වූ පුද්ගලයාගේ පුත්රයා විසින් නගරාධිපතිවරයාට පහරදී ඇති බවටයි එම වෙබ් අඩවිය තොරතුරු වාර්තා කර ඇත්තේ.
අදාල පහරදීමෙන් නගරාධිපතිවරයාගේ මුහුණට තුවාල සිදුව ඇති බවත් එම අවස්ථාවේදී ඔහු බීමතින් සිට ඇති බවත් පැවසෙනවා.
මේ අතර රාජ්ය අමාත්ය අරුන්දික ප්රනාන්දුගේ බලපෑම මත වෙන්නප්පු ප්රදේශයේ සිට මාරුකර එවූ එරික් පෙරේරා මහතා මේ වන විට සේවයේ නිරතව සිටින්නේ මීගමුව ප්රදේශයේවීමද විශේෂත්වයක්.