ගුරු සංගම් නියෝජිතයින් සහ අධ්යාපන අමාත්යවරයා අතර බත්තරමුල්ල ඉසුරුපායේදී පැවති සාකච්ඡාව තීරණයකින් තොරව අවසන්වී තිබේ.
අනුමත කරන ලද කැබිනට් පත්රිකාව ගැන කිසිදු ක්රියා මාර්ගයක් ගෙන නොමැති තත්ත්වයක් තුළ ක්රියාත්මක තලයේ හැර ප්රකාශයන් ගැන විශ්වාසය තැබිය නොහැකි බවයි ඒ සම්බන්ධයෙන් අදහස් දක්වමින් ගුරු විදුහල්පති වෘත්තීය සමිති එකමුතුව වෙනුවෙන් ලංකා ගුරු සංගමයේ ලේකම් ජෝසප් ස්ටාලින් මහතා පැවසුවේ.
අද උදෑසන 9.00 ට පමණ ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා සහ ලංකා ගුරුසේවා සංගමයේ ලේකම් මහින්ද ජයසිංහ මහතා ඇතුළු සිව්දෙනෙක් මෙම සාකාච්ජාව සඳහා සහභාගී විය.
2020 ජනවාරි මස 01 වැනිදා ගුරු විදුහල්පති වැටුප් විෂමතාව ඉවත් කර ගැනීම සඳහා විධිමත් කැබිනට් පත්රිකාවක් යොමුකර තිබියදී ලබන සඳුදාට යළි කැබිනට් පත්රිකාවක් ඉදිරිපත් කර මෙම ප්රශ්නය විසඳීමට ප්රවේශයක් ගන්නා බවට අමාත්යවරයා මෙහිදි ප්රකාශ කර ඇත.
අනුමත කරන ලද කැබිනට් පත්රිකාව ගැන කිසිදු ක්රියා මාර්ගයක් ගෙන නොමැති තත්ත්වයක් තුළ හුදෙක් ප්රකාශ පිළිබඳව විශ්වාස කළ නොහැකි බවයි ස්ටාලින් මහතා පෙන්වා දෙන්නේ.