මෙවර T20 ලෝක කුසලානයේ සුපිරි කණ්ඩායම් 12ක් සඳහා සුදුසුකම් ලැබීමේ වටයේ නැමීබියාව සමග අද පැවැති තරඟය කඩුලු 6කින් පරාජයට පත්වූ නෙදර්ලන්ත කණ්ඩායමට මෙවර ලෝක කුසලාන තරඟාවලියෙන් ඉවතට විසිවීමට සිදුවුණා.
තරගයේ කාසිය වාසිය දිනාගත් නැමීබියා කණ්ඩායම පළමුව පන්දුවට තීරණය කළ අතර නියමිත පන්දුවාර 20 තුළදී කඩුලු 04කට ලකුණු 164ක් ලෙස නෙදර්ලන්ත ලකුණු පුවරුව සීමා කිරීමට ඔවුන් සමත් වුණා.
ලකුණු 165 ක ජයග්‍රාහී ඉලක්කයක් හඹාගිය නැමීබියා කණ්ඩායම පන්දුවාර 19 ක් තුළ ලකුණු 166ක් ලබාගනිමින් ජයග්‍රාහී කඩයිම පසු කිරීමට සමත් වුණේ කඩුළු 04ක් පමණක් දැවී ගොස් තිබියදීයි.
නැමීබියාව වෙනුවෙන් සුපිරි පිතිහරඹයක නිරත වූ ජාත්‍යන්තර T20 අත්දැකීම් සහිත David Wiese පන්දු 40ක් තුළ ලකුණු 66ක් ලබාගැනීමට සමත් වුණා. Wiese ගේ එම ඉනීම හයේ පහර 05කින් සහ හතරේ පහර 04කින් වර්ණවත් වුණා.
ඒ අනුව තරඟය කඩුලු 06කින් නැමීබියාව ජයග්‍රාහණය කළ අතර තරඟයේ වීරයා සම්මානය David Wiese විසින් හිමිකර ගත්තා.
ඒ අනුව මේ වන විට A අවසන් 12 දෙනාගේ වටයට සුදුසුකම් ලැබීමේ අවස්ථාව අයර්ලන්ත කණ්ඩායමට සහ නැමීබියාවට විවෘත වී තිබෙනවා.
A කාණ්ඩයේ ප්‍රමුඛ ස්ථානය සිටින ශ්‍රී ලංකා කණ්ඩායම යම් හෙයකින් අද දිනයේ අයර්ලන්තය සමග පැවැත්වෙන තරගය ජයග්‍රහණය කළහොත් ශ්‍රී ලංකා කණ්ඩායම එම කාණ්ඩයේ ප්‍රමුඛ ස්ථානය ම රැඳී සිටිමින් අවසන් දොළොස් දෙනාගේ වටයට සුදුසුකම් ලබන අතර යම් හෙයකින් මෙම තරගය අයර්ලන්තය ජයග්‍රහණය කළ හොත් නැමීබියාව තරගාවලියෙන් ඉවත් වීමේ අවදානමක් ඇති වන අතර ශ්‍රී ලංකා කණ්ඩායම සහ අයර්ලන්තය මීළඟ වටයට පිවිසෙනු ඇතියි.
එසේම ශ්‍රී ලංකාව සමග අද දිනයේ පැවැත්වෙන තරඟය අයර්ලන්ත කණ්ඩායම පරාජයට පත්වී මීළඟ තරගයේදී නැමීබියාව අයර්ලන්ත කණ්ඩායම පරාජයට පත් කළහොත් කළහොත් නැමීබියාව මීළඟ වටයට සුදුසුකම් ලැබීමේ අවස්ථාව හිමිවනු ඇතියි.
