කළුබෝවිල දකුණු කොළඹ ශික්ෂණ රෝහලේ නව මිලේනියම් ගොඩනැගිල්ලේ වාට්ටු සංකීර්ණ කිහිපයක් ඊයේ දින විවෘත විය.
ඒ යුද හමුදාපති, ජෙනරාල් ශවේන්ද්ර සිල්වා මහතාගේ සහභාගීත්වයෙනි.
පසුගිය දිනවල නේවාසික කොවිඩ් ආසාදිතයන් වැඩිවීමේ අර්බුදයකට මුහුණ දී තිබූ කළුබෝවිල ශික්ෂණ රෝහලේ ධාරිතාව වැඩිකිරීම සඳහා ඉදිකළ නව වාට්ටු සංකීර්ණය මහල් 8කින් යුතු අතර 4 , 5 සහ 6 යන මහල්වල වාට්ටු යුද හමුදාවේ දායකත්වයෙන් ඉදිකර ඇත.
මෙම ගොඩනැගිල්ල හදිසි අනතුරු හා හදිසි ප්රතිකාර ඒකකයක්, වාට්ටු සංකීර්ණ කිහිපයක් ශල්යාගාර හයක්, හෘද ප්රතිකාර ඒකකයක් හා රසායනාගාර කිහිපයකින්ද සමන්විතය.
මේ වන විට එම රෝහලේ කොවිඩ් ආසාදිත රෝගීන් සඳහා ඇඳන් 200 ක් පමණ වෙන් කර ඇති අතර ඉදිරියේදී එහි ධාරිතාව 350 ක් ඉක්මවන ප්රමාණයකට ගෙන යා හැකි බව සෞඛ්ය අමාත්යාංශය පවසයි.