ඇමරිකා එක්සත් ජනපදයේ නිව් ජර්සි සහ ඔහියෝ ප්රාන්ත බලධාරීන් පසුගියදා ප්රකාශ කර ඇත්තේ, රාජ්ය ආයතනවල විද්යුත් උපාංගවල උපයෝගී කරගනිමින් ජනප්රිය වීඩියෝ යෙදුමක් වන ටික්ටොක් (TikTok) භාවිතය තහනම් කිරීමට ඔවුන්ද අනෙක් ප්රාන්ත සමඟ එක්වන බවයි.
චීන තාක්ෂණ සමූහ සමාගමක් වන බයිට්ඩාන්ස් සතු TikTok වීඩියෝ යෙදුම රාජ්ය උපාංගවලින් තහනම් කිරීමට අමතරව හුවාවේ, හික්විෂන් ඇතුළු දුසිමකට වැඩි මෘදුකාංග නිෂ්පාදන සහ සේවාවන් තහනම් කරන බවද ප්රජාතන්ත්රවාදියකු වන නිව් ජර්සි ආණ්ඩුකාර ෆිල් මර්ෆි පවසා ඇත.
මර්ෆිගේ කාර්යාලය පෙන්වා දෙන්නේ TikTok භාවිතය හේතුවෙන් පරිශීලකයන්ගේ දත්ත අනවරණය වන බවත්, එමගින් ජාතික ආරක්ෂාව පිළිබඳ ගැටළු ඇති වී ඇති බවත්ය.
රිපබ්ලිකානුවෙකු වන ඔහියෝ ආණ්ඩුකාර මයික් ඩිවයින් පවසා ඇත්තේ, මෙම යෙදුම් සහ සයිබර් ආරක්ෂණ භාවිතයන් හරහා ජාතික සහ ප්රාදේශීය ආරක්ෂාව මෙන්ම සයිබර් ආරක්ෂණයටද තර්ජන මතු කර ඇති බවයි.
මෙලෙස රිපබ්ලිකන් ආණ්ඩුකාරවරු TikTok යෙදුම රාජ්ය උපාංගවලින් තහනම් කිරීමට නායකත්වය දී ඇති අතර සමහර ඩිමොක්රටික් ආණ්ඩුකාරවරුන් එසේ කිරීමට ප්රමාද වී ඇති බවද ජනමාධ්ය වාර්තා කරයි.