ප්රධාන නගරවල නවීන තාක්ෂණයෙන් යුතු මාර්ග සංඥා පුවරු ඉදිකිරීම සම්බන්ධ ව්යාපෘතියක් වෙනුවෙන් මෝටර් රථ ප්රවාහන දෙපාර්තමේන්තුව අවධානය යොමුව ඇති බවට පුවතක් ‘දිනමිණ’ වාර්තා කරනවා.
මෙම පුවරු ඉක්මනින්ම ඉදිකිරීම මෙන්ම එම පුවරුවලට අදාළ මාර්ගයේ වායු තත්ත්වයය පිළිබඳව දත්ත ලබා ගතහැකි නවීන යන්ත්ර ඇතුළත් කිරීම මෙහිදී සිදු කිරීමට නියමිතයි.
අදාළව ව්යාපෘතිය වායු විමෝචන අරමුදල හරහා ඉදිරියේදී ක්රියාත්මක කිරීමට සැලසුම් කර තිබෙනවා.
ප්රවාහන, මහාමාර්ග, වරාය සහ ගුවන්සේවා අමාත්ය බිමල් රත්නායක මහතා මෝටර් රථ ප්රවාහන දෙපාර්තමේන්තුවේ නාරහේන්පිට පිහිටි එහි ප්රධාන කාර්යාලය වෙත පසුගියදා නිරීක්ෂණක යෙදුණු අතර එහිදී මේ සම්බන්ධයෙන් සාකච්ඡා කර තිබුණා.
එහිදී මෝටර් රථ ප්රවාහන දෙපාර්තමේන්තුවේ අංක තහඩු නිකුත් කිරීමේ අංශය නිරීක්ෂණය කිරීමේදී කොළඹ දිස්ත්රික්කයට අදාළ සේවාලාභින් බොහෝ පිරිසක් තම නව අංක තහඩු නැවත රැගෙන ගොස් නොමැතිව එම ආයතනය තුළ ගොඩ ගැසී ඇති ආකාරය එම චාරිකාවේදී අමාත්යවරයාගේ නිරීක්ෂණයට ලක්ව තිබෙනවා.
අංක තහඩුව මුද්රණය වී අදාල අංශය වෙත ලැබුණු පසු සේවා ලාභියාට එය දැනගත හැකි වන පරිදි sms පණිවිඩයක් සේවාලාභියාගේ දුරකථනයට යොමු කිරීම සඳහා එහිදී සාකච්ඡා වී තිබුණා.