29 C
Colombo
Wednesday, July 17, 2024

ඔස්ට්‍රේලියාවට යන අයට ජුලි සිට නව නීති

- Advertisement -

ජුලි මස පළමු වනදා සිට වීසා නීති දැඩි කිරීමට ඔස්ට්‍රේලියානු රජය තීරණය කර තිබෙනවා.

ඒ අනුව සංචාරක වීසා මත ඔස්ට්‍රේලියාවට පැමිණ එහි රැඳීසිටිමින් ශිෂ්‍ය වීසා ලබාගැනීමට දී තිබූ අවස්ථාව මින් ඉදිරියට අහිමි වනු ඇති.

ඔස්ට්‍රේලියානු රජය පසුගිය වසරේ සිය වීසා නීති දැඩි කිරීමේ සැලසුමක් ප්‍රකාශයට පත් කළ අතර 2025 වනවිට රටට පැමිණෙන සංක්‍රමණිකයින් ගණන සියයට 50කින් කප්පාදු කිරීමේ ඉලක්කයක් ස්ථාපනය කළා.

එහිදී ඔවුන්ගේ වැඩිම අවධානය යොමුව තිබුණේ ශිෂ්‍ය වීසා කප්පාදුව සම්බන්ධයෙන්.

ඒ අනුව සංචාරක වීසා මත ඔස්ට්‍රේලියාවට පැමිණ එහි රැඳී සිටිමින් ශිෂ්‍ය වීසා ලබාගැනීමට මෙතෙක් ලබාදී තිබූ අවස්ථාව අත්හිටුවීමට එරට රජය පියවර ගෙන තිබෙනවා.

එම නීතිය ක්‍රියාවට නැංවෙන්නේ ලබන ජූලි මස පළමුවැනිදා සිටයි.

එමෙන්ම තාවකාලික උපාධි වීසා මත රටේ රැඳීසිටින උපාධිධාරීන්ට නැවත වරක් ඉදිරි අධ්‍යාපන කටයුතු සඳහා වීසා අයදුම් කිරීමේ අවස්ථාව ද ඉන් අහිමි වනවා.

එරට අභ්‍යන්තර කටයුතු දෙපාර්තමේන්තුවට අනුව 2023 වසරේ ජූලි පළමුවනදා සිට මේ වසරේ ජුනි මස පළමුවනදා දක්වා කාලය තුළ පමණක් සංචාරක වීසා මත පැමිණ ශිෂ්‍ය වීසා අයදුම් කළ පිරිස 36,000 ඉක්මවන බව සඳහන්.

බලධාරීන්ට අනුව ඔස්ට්‍රේලියාවේ රැඳීසිටින තාවකාලික උපාධි වීසා හිමියන්, අඛණ්ඩව දෙවැනි වරටත් ශිෂ්‍ය වීසා අයදුම් කිරීමේ ප්‍රවණතාව 2022/23 වසරවල සියයට 30කින් ඉහළ ගොස් තිබෙනවා.

මෙමගින් රටේ ශිෂ්‍ය වීසා ක්‍රියාවලිය අවතක්සේරු කෙරෙන බවත්, උසස් අධ්‍යාපනය ලැබීමේ සැබෑ පරමාර්ථයෙන් රටට පැමිණෙන සිසුන්ට අසාධාරණයක් සිදුවන බවත් ඔස්ට්‍රේලියානු රජය පවසනවා.

ඔවුන් වැඩිදුරටත් පෙන්වා දෙන්නේ, රට තුළ රැඳී සිටින කාලය දීර්ඝ කරගැනීමේ අවශ්‍යතාව මත පමණක් ලාභදායී පාඨමාලා හදාරමින් සිටින පිරිස රටෙන් බැහැරකිරීම මෙමගින් අපේක්ෂා කරන බවයි.

උපාධිධාරීන් සිය කුසලතාවට සරිලන රැකියාවක් සොයාගෙන, ඒ යටතේ ස්ථිර නේවාසික වීසා ලබාගත යුතු බවද මෙමගින් අවධාරණය කෙ‍රෙන අතර නැත්නම් ඔවුන් වහාම රටින් පිටව යායුතු බව ඔස්ට්‍රේලියානු රජයේ මතය වනවා.

එමෙන්ම තාවකාලික උපාධි වීසා යටතේ උපාධියෙන් පසුව රැකියාවක් කිරීමට ලබාදෙන කාලය අවම කිරීමටත්, අයදුම් කළ හැකි වයස් සීමාව වයස අවුරුදු 50 සිට 35 දක්වා පහත දැමීමත්, ඉංග්‍රීසි භාෂා ප්‍රවීණතා මට්ටම ඉහළ දැමීමටත් රජය මීට පෙර කටයුතු කළා.

RECENT ARTICLES - SINHALA

සිරකරුවන්ගේ ඡන්ද අයිතිය ගැන පෙත්සමක්

රක්ෂිත බන්ධනාගාරගත කර සිටින සිරකරුවන්ට ඉදිරි ජනාධිපතිවරණ සහ මහමැතිවරණවලදී ඡන්දය ප්‍රකාශ කිරීමට අවශ්‍ය කරන පහසුකම් සලසා දීමට අවශ්‍ය මාර්ගෝපදේශ නිකුත් කරන ලෙස මැතිවරණ කොමිසම...

පාස්පෝට් ගන්න ඉන්න අයට දැනුම්දීමක්

ගුවන් ගමන් බලපත්‍ර අයදුම්කරුවන්ගේ පහසුව සඳහා නව ක්‍රමවේදයක් හඳුන්වා දීමට ආගමන හා විගමන දෙපාර්තමේන්තුව පියවර ගෙන තිබෙනවා. ඒ අනුව ගුවන් ගමන් බලපත්‍ර අයදුම් කිරීම සඳහා...

ප්‍රතික්‍රීයක හිඟයෙන් වෛද්‍ය පරීක්ෂණ රැසක් නැවතිලා

වෛද්‍ය පර්යේෂණ ආයතනය විසින් ප්‍රතික්‍රීයක සහ අවශ්‍ය රසායන ද්‍රව්‍ය ලබා නොදීම හේතුවෙන් රෝගීන්ට අත්‍යවශ්‍ය වෛද්‍ය පරීක්ෂණ රැසක් දීර්ඝ කාලීනව නවතා දමා ඇති බව සෞඛ්‍ය...

POPULAR ARTICLES

මහින්ද රාජපක්ෂ මිස වෙන ගොනෙක් නෙවෙයි – සනත් නිශාන්තගේ බිරිඳ(වීඩියෝ)

රටේ තිබු යුද්ධය නැති කළ නායකයා මහින්ද රාජපක්ෂ මිස වෙන ගොනෙක් නොවන බව සනත් නිශාන්ත මහතාගේ බිරිඳ චමරි ප්‍රියංකා මහත්මිය පවසනවා. ඇය මේබව කියා සිටියේ...

සඳුදා යළිත් පාසැල් වැසෙන ලකුණු

සති දෙකක් අකුරට වැඩ කිරීමේ වෘත්තීය සමිති ක්‍රියාමාර්ගයක් අරඹන බව ගුරු - විදුහල්පති වෘත්තීය සමිති සන්ධානය පවසනවා. ඒ අනුව, ඔවුන් සඳහන් කළේ ලබන සඳුදා (22)...

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක්

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක් නිකුත් කර තිබෙනවා. එහි සඳහන්ව ඇත්තේ, යෝජිත අධ්‍යාපන ප්‍රතිසංස්කරණ අනුව සෞන්දර්ය විෂයයන් සාමාන්‍ය අධ්‍යාපනයේ අත්‍යවශ්‍ය අංගයක් බවයි. කණිෂ්ඨ, ද්විතීයික අධ්‍යාපනයේ...