පාස්කු ඉරිදා ප්‍රහාරය පිටුපස සිටි ත්‍රස්තවාදීන්ට මුදල් ලබා ගැනීමට උදව් කළ ශ්‍රී ලාංකිකයෙකුට නවසීලන්තයේ සරණාගතභාවය ලබා දී ඇති බව Radio New Zealand වාර්තා කරනවා.
මෙම පුද්ගලයා ත්‍රස්තවාදී අරමුණුවලට සහය දැක්වීමට සම්බන්ධ නොමැති බවත් මුදල් ලැබුනේ කොහෙන්ද යන්නවත් මුදල් ලබා ගත්තේ කවුරුන්ද යන්නත් නොදන්නා බව එරට ආගමන හා ආරක්ෂක අධිකරණය සොයා ගත් බවයි එම පුවත් සේවය වාර්තා කරන්නේ.
ඔහු තම නැන්දම්මා සහ විදේශීය තැරැව්කරුවකු සම්බන්ධ වූ මුදල් හුවමාරුවක් හරහා මසකට මුදල් ගනුදෙනු කිහිපයක්ම සිදු කර ඇති අතර බෝම්බ ප්‍රහාරයෙන් පසුව ද්‍රවිඩ කාන්තාවක් වන ඔහුගේ බිරිඳ අත්අඩංගුවට පත්ව ඇත. පසුව නිදහස් වීමෙන් අනතුරුව ඇය සහ ඇයගේ ස්වාමි පුරුෂයා සැඟවී සිට ඇත.
ව්‍යාජ විදේශ ගමන් බලපත්‍ භාවිතා කර ඔවුන් නවසීලන්තයට ගොස් ඇති අතර එහිදී ඔවුන් කළ අභියාචනයක් මත ජූනි මාසයේදී ඔවුන්ට සරණාගතභාවය හිමි විය.
