ෆයිසර් එන්නත සමඟ සම්බන්ධ වූ පළමු මරණය නවසීලන්තයෙන් සඳුදා වාර්තා වූ බව එරට සෞඛ්ය බලධාරීන් පවසා තිබෙනවා.
ස්වාධීන කොවිඩ්-19 එන්නත් ආරක්ෂක අධීක්ෂණ මණ්ඩලයේ සමාලෝචනයෙන් පසු සෞඛ්ය අමාත්යාංශය විසින් එන්නත ලබා ගැනීමෙන් පසු කාන්තාවක් මිය යාම පිළිබඳ මෙම තොරතුරු නිකුත් කරනු ලැබුවා.
ස්වාධීන මණ්ඩලය තීරණය කර ඇත්තේ කාන්තාවගේ මරණය මයෝකාඩයිටිස් (myocarditis) තත්ත්වය නිසා ඇති වූවක් බවයි.
එය ෆයිසර් කෝවිඩ් -19 එන්නතෙහි දුර්ලභ අතුරු ආබාධයක් ලෙස සැලකෙන්නක්.
මයෝකාඩයිටිස් යනු හෘද පේශි වල ඇතිවන දැවිල්ලක් වැනි ස්වභාවයකින් ඇතිවෙන තත්ත්වයක් බවයි වාර්තා වෙන්නේ.
එමඟින් හදවතට රුධිරය පොම්ප කිරීමේ හැකියාව සීමා කළ හැකි අතර හෘද ස්පන්දන රිද්මයේ වෙනස්කම් ඇති කළ හැකියැයි පැවසෙනවා.
එරට සෞඛ්ය අමාත්යාංශය සඳහන් කරන පරිදි එන්නත ලබා දීමෙන් පසු දින තුළ සිදු වූ මෙම මරණය ෆයිසර් කෝවිඩ් -19 එන්නත සමඟ සම්බන්ධ වූ නවසීලන්තයේ පළමු මරණයයි.