යොහානි ද සිල්වා යනු නවතම සංස්කෘතික තනාපතිනිය බව මෙරට ඉන්දියානු මහකොමසාරිස් කාර්‍යාලය පවසනවා.
ට්විටර් සටහනක් තබමින් ඉන්දීය මහකොමසාරිස්වරයා පවසන්නේ මිලියන 110කට වැඩි යූ ටියුබ් නැරඹුම් වාර හිමි කරගත් ඇයගේ ‘ මැණිකේ මගේ හිතේ’ ගීතය ඉන්දියාවේ ප්‍රසිද්ධ පුද්ගලයන්ගේ සිට සාමාන්‍ය ජනතාව දක්වා මිලියන ගණනකගේ හදවත් සොරාගෙන ඇති බවයි.
වසර දහස් ගණනක් පැරණි ඉන්දු – ශ්‍රී ලංකා සබඳතාවයේ සැබෑ මිහිර සහ ගැඹුර මෙයින් පිළිඹිබු වන බවත් එහි වැඩිදුරටත් දැක්වුණේ
ඉන්දියානු මහ කොමසාරිස් කාර්යාලයේ දැන් ස්වාමි විවේකානන්ද සංස්කෘතික මධ්‍යස්ථානය යනුවෙන් හැඳින්වෙන ඉන්දියානු සංස්කෘතික මධ්‍යස්ථානයේ අධ්‍යක්‍ෂ ආචාර්ය රේවන්ට් වික්‍රම් සිං සහ තරුණ ගායිකා යොහානි සමඟ හමුවක් ඔහුගේ කාර්යාලයේදී අද දින පැවැත්වුණා.
