යේමනයේ තාවකාලික අගනුවර වන ඒඩන්හි ගුවන් තොටුපළක් ආසන්නයේ සිදුවූ කාර් බෝම්බ ප්රහාරයකින් පුද්ගලයන් 9 දෙනෙකු ජීවිතක්ෂයට පත්ව තිබෙනවා.
සෙනසුරාදා සිදුවූ පිපිරීමෙන් තවත් 12 දෙනෙකු තුවාල ලබා ඇතැයි විදෙස් මාධ්ය වාර්තා කර තිබෙනවා.
අගමැති Mueen Abdulmalek Saeed විසින් නිවේදනයක් නිකුත් කරමින් මෙය “ත්රස්තවාදී බෝම්බ ප්රහාරයක්” බවට ප්රකාශ කර ඇති බවයි සඳහන් වෙන්නේ.
සිද්ධියෙන් තුවාල ලැබූවන් අතර කාන්තාවන් සහ ළමුන් සිටින බව ද වාර්තා වී තිබෙනවා.
ප්රහාරයේ වගකීම මෙතෙක් කිසිවෙකු විසින් හෝ භාර ගෙන නැහැ.
ප්රාදේශීය මාධ්ය සටහන් කරන්නේ ප්රහාරය ඒඩන්හි හිටපු ආණ්ඩුකාරවරයා ගුවන් තොටුපළට පැමිණීමත් සමඟ සිදුව ඇති බවයි.කෙසේ වෙතත් ඔහුට කිසිදු හානියක් සිදුවී නැහැ.
වත්මන් ආණ්ඩුකාරවරයා සති තුනකට පෙර මෝටර් රථ බෝම්බ ප්රහාරයකට ද ඉලක්ක වූ අතර එහිදී තවත් හය දෙනෙකු මිය ගිය බව AFP පුවත් ඒජන්සිය වාර්තා කර තිබුණා.