ක්ලීන් ශ්‍රී ලංකා වැඩසටහනට අදාල කටයුතු අඛණ්ඩව කිරීමට කිසිදු බාධාවක් නැතත් මහනුවර දළදා මාලිගාව සහ ඒ අවට ප්‍රදේශවල ක්ලීන් ශ්‍රී ලංකා වැඩසටහනට අදාල ධජ ප්‍රදර්ශනය කිරීමෙන් වළකින ලෙස මැතිවරණ කොමිෂන් සභාව ජනාධිපති ලේකම්වරයාට දැනුම් දී තිබෙනවා.
ලිපියක් යොමු කරමිනුයි එම කොමිෂන් සභාව මේ බව දැනුම්දී ඇත්තේ.
එමගින් දේශපාලන ප්‍රවර්ධනයක් සිදුවිය හැකි හෙයින් පළාත් පාලන මැතිවරණයට ඉන් අහිතකර තත්ත්වයක් මතු විය හැකි බවද එම ලිපියෙන් වැඩිදුරටත් පෙන්වාදී තිබෙනවා.
දළදා මාලිගාව සහ ඒ අවට ප්‍රදේශවල ක්ලීන් ශ්‍රී ලංකා වැඩසටහනට අදාල ධජ පතාක ප්‍රදර්ශනයට අවසර දෙන්නැයි පළාත් පාලන කොමසාරිස්වරයා මැතිවරණ කොමිෂන් සභාවෙන් ඉකුත්දා ඉල්ලීමක් කර තිබුණා.
