ලබන මස පළමු වැනිදා රට සාමාන්‍ය පරිදි විවෘත කර සියලු ම රාජ්‍ය සේවකයන් සහ පෞද්ගලික අංශයේ සේවකයන්ද සේවයට කැඳවීමට රජය තීරණය කර ඇති බවට දිනපතා පළවන පුවත්පත් කිහිපයක් හා සමාජ මාධ්‍ය තුළ තොරතුරු වාර්තා කර තිබුණා.
එහි සඳහන් වූයේ ලබන මස පළමු වැනිදා සිට රාජ්‍ය සේවකයන් උදෑසන 9 ටත්, පෞද්ගලික අංශයේ සේවකයන් උදෑසන 10 ටත් කැඳවීම සඳහා අවසර දී ඇති බවයි.
කෙසේ වෙතත් අද (28) උදෑසන පැවති කැබිනට් තීරණ දැනුම්දීමේ ප්‍රවෘත්ති සාකච්ඡාවේදී සම කැබිනට් මාධ්‍ය ප්‍රකාශක අමාත්‍ය රමේෂ් පතිරණ මහතා සදහන් කළේ එවැනි තීරණයක් මෙතෙක් ගෙන නොමැති බවයි.
අමාත්‍යවරයා සඳහන් කළේ ඒ සම්බන්ධයෙන් ඉදිරියේදී වැඩිදුරටත් සාකච්ඡා කිරීමට නියමිත බවයි.
