ආර්යන් ඛාන් සහ ඔහුගේ මිතුරන් වන අර්බාස් මර්චන්ට් හා මුන්මුන් ධමේචා යන අය මත්ද්‍රව්‍ය සම්බන්ධ වැරදි සිදු කිරීම සදහා සැලසුම් කළ බවට සාක්ෂි නොමැති බව බොම්බේ මහාධිකරණය ඊයේ (20) නිකුත් කළ නියෝගයකින් ප්‍රකාශ කරනු ලැබුවා.
ඔවුන් අතර සිදුවූ වට්ස්ඇප් සංවාදවල පිළිකුල් සහගත කිසිවක් හමු නොවූ බවද අධිකරණය ප්‍රකාශ කර තිබෙනවා.
ආර්යන් ඛාන්, අර්බාස් මර්චන්ට් සහ මුන්මුන් ධමේචා එකම යාත්‍රාවක ගමන් කළ පමණින්, ඔවුන්ට එරෙහි කුමන්ත්‍රණ චෝදනාවට එයම පදනමක් විය නොහැකි බව ඔවුන්ට ඇප ලබාදීමට ඇති සාධාරණත්වය පැහැදිලි කරමින් අධිකරණය ප්‍රකාශ කළා.
සුපිරි නළු ෂාරුක් ඛාන්ගේ පුත් ආර්යන් ඛාන්ට මත්ද්‍රව්‍ය ජාවාරම් කිරීමේ සිද්ධියක් සම්බන්ධයෙන් අත්අඩංගුවට ගෙන සති තුනකට පසු පසුගියදා ඇප නියම වුණා.
මත්ද්‍රව්‍ය නාශක කාර්යාංශය ( NCB) විසින් කෲස් නැව් සාදයක මත්ද්‍රව්‍ය වැටලීම් වලින් පැය කිහිපයකට පසු ඔක්තෝබර් 3 වන දින ඔහු අත්අඩංගුවට ගනු ලැබුවා.
විශේෂ අධිකරණය විසින් ඔවුන්ගේ ඇප ඉල්ලීම් ප්‍රතික්ෂේප කිරීමෙන් පසුව තිදෙනා මහාධිකරණයට ඉදිරිපත් කරනු ලැබුවේ අනතුරුවයි.
ඔවුන්ට ඇප ලබාදීමට එරෙහි වෙමින් ඉන්දීය මත්ද්‍රව්‍ය නාශක කාර්යාංශය අධිකරණය හමුවේ පැවසුවේ මෙම විත්තිකරුවන් විශාල මත්ද්‍රව්‍ය කුමන්ත්‍රණයක කොටස්කරුවන් බවයි.
