තම බැංකුවේ දැනට පවත්වාගෙන යන රාජ්‍ය ආයතනවල ගිණුම් වසා දමන ලෙස කිසිදු රාජ්‍ය ආයතනයක් සෘජු හෝ වක්‍ර ඉල්ලීමක් ඉදිරිපත් කර නොමැති බව මහජන බැංකුව පවසනවා.
එවැනි කටයුත්තක් සඳහා උපදෙස් ලබාදීමක් සිදුකර නොමැති බව නිවේදනයක් නිකුත් කරමින් එම බැංකුවේ අලෙවිකරණ දෙපාර්තමේන්තුව සඳහන් කරනවා.
මහජන බැංකුව යනු අරමුණු වෙනුවෙන් නොව, දේශීය අභිවෘද්ධිය වෙනුවෙන් කැපවූ බැංකුවක් බවත් සිය සේවාව විශිෂ්ට ලෙස සැපයීම තම බැංකුවේ අරමුණ බවත් අදාළ නිවේදනයේ සඳහන්.
