උතුරු මැසිඩෝනියාවේ කොවිඩ් -19 රෝගීන්ට ප්රතිකාර කරන තාවකාලික රෝහලක ඇති වූ ගින්නකින් පුද්ගලයින් 10 දෙනෙකු මියගොස් ඇතැයි විදෙස් මාධ්ය වාර්තා කර තිබෙනවා.
ටෙටෝවෝ නගරයේ ප්රධාන පාරක් අසල ගොඩනැගිල්ලක් ගිනිගෙන දැවෙන ආකාරයත් ඝන කළු දුමාරයක් අහසට පාවෙන අයුරුත් සමාජ මාධ්යවල හුවමාරු වූ දසුන් වල සටහන් වී තිබුණා.
ගිනි නිවන භටයින් පැයකට අඩු කාලයක් තුළදී ගින්න මැඩපැවැත්වීමට සමත් වුවත් සිදුව ඇති විනාශය බරපතල බවයි සඳහන්වෙන්නේ.
මේ අතර සෞඛ්ය ඇමති වෙන්කෝ පිලිප්ස් අනතුරු අඟවා ඇත්තේ මියගිය සංඛ්යාව තවත් ඉහළ යා හැකි බවයි.
“මෙය ඉතා කණගාටුදායක දිනයක්” යැයි ඔහු මේ පිළිබඳ ට්විටර් ඔස්සේ පණිවුඩයක් නිකුත් කරමින් පවසනු ලැබුවා.
ස්කොප්ජේ අගනුවර රෝහලකට රෝගීන් කිහිප දෙනෙකු හදිසි තත්ත්වය යටතේ මාරු කර යැවූ බව ද ඔහු එහි සඳහන් කර තිබෙනවා.
බලධාරීන් වැඩිදුරටත් පෙන්වා දෙන්නේ රෝහලේ කාමර තුළ ඔක්සිජන් සිලින්ඩර පුපුරා යාමෙන් ගින්න ගොඩනැගිල්ල තුළට වේගයෙන් පැතිර යාම සිදුව ඇති බවයි.