පළාත් පාලන මැතිවරණය සඳහා ඡන්ද පත්‍රිකා මුද්‍රණය කිරීම ආරම්භ කරන ලෙස මැතිවරණ කොමිෂන් සභාව රජයේ මුද්‍රණාලයට දැනුම් දී තිබෙනවා.
රජයේ මුද්‍රණාලාධිපතිනී ගංගානී කල්පනා ලියනගේ මහත්මිය කියා සිටියේ මේ සතියේ පළාත් පාලන මැතිවරණය සඳහා ඡන්ද පත්‍රිකා මුද්‍රණය ලබන මස මුල් සතියේ ආරම්භ කරන බවයි.
මේ වන විට ඡන්ද පත්‍රිකා මුද්‍රණයට අවශ්‍ය මුලික කටයුතු දැනටමත් ආරම්භ කර ඇති බවද වාර්තා වනවා.
මෙවර පළාත් පාලන මැතිවරණය සඳහා ඡන්ද පත්‍රිකා එක් කෝටියකට වැඩි ප්‍රමාණයක් මුද්‍රණය කිරීමට නියමිත අතර එම මුද්‍රණ කටයුතු සඳහා රුපියල් කෝටි තිහකට ආසන්න මුදලක් වැය වෙන බවයි රජයේ මුද්‍රණාලය සඳහන් කළේ.
මේ අතර ඡන්ද පත්‍රිකා මුද්‍රණය සඳහා මුලික අත්තිකාරම් මුදලක් මැතිවරණය කොමිෂන් සභාවෙන් ඉල්ලා ඇති බව රජයේ මුද්‍රණාලාධිපතිනිය ප්‍රකාශ කළා.
2018 වසරේ පැවැත්වුණු පළාත් මැතිවරණයේ ඡන්ද පත්‍රිකා මුද්‍රණය සඳහා වැය වූ මුදල රුපියල් කෝටි 20ක් වන ආර්ථික තත්ත්වය හේතුවෙන් කඩදාසි මිල සහ මුද්‍රණ වියදම ඉහළ යෑම නිසා ඡන්ද පත්‍රිකා මුද්‍රණයට මේ වසරේ විශාල මුදලක් වැයවෙනු ඇති බව ගණන් බලා තිබෙනවා.
