සමාගම් පනත යටතේ ලියාපදිංචි වී ඇති රාජ්ය නොවන සංවිධාන ඇතුළුව මෙරට ක්රියාත්මක වන සියලුම දේශීය හා විදේශීය රාජ්ය නොවන සංවිධාන, රාජ්ය නොවන සංවිධාන සඳහා වන ජාතික ලේකම් කාර්යාලයේ ලියාපදිංචි වීම රජය විසින් අනිවාර්ය කර තිබෙනවා.
1980 අංක 31 දරන ස්වේච්ඡා සමාජ සේවා සංවිධාන (ලියාපදිංචිය සහ අධීක්ෂණ) පනත යටතේ මෙලෙස මෙරට ක්රියාත්මක සියලුම රාජ්ය නොවන සංවිධාන ඒ සඳහා වන ජාතික ලේකම් කාර්යාලයේ ලියාපදිංචි වීම අනිවාර්ය කර තිබෙන බවයි පැවසෙන්නේ.
ඒ අනුව, ශ්රී ලංකාවේ ක්රියාත්මක වන හෝ ක්රියාත්මක වීමට අදහස් කරන සියලුම විදේශීය රාජ්ය නොවන සංවිධාන ලියාපදිංචි විය යුත්තේ රාජ්ය නොවන සංවිධාන සඳහා වන ජාතික ලේකම් කාර්යාලයේ පමණයි.
මහලේකම් කාර්යාලයේ රෙජිස්ට්රාර්වරයා මේ පිළිබඳ නිවේදනයක් නිකුත් කර ඇති අතර එම නිවේදනයට අනුව 2007 අංක 07 දරන සමාගම් පනත යටතේ දැනටමත් ලියාපදිංචි වී ඇති රාජ්ය නොවන සංවිධානවලටද නැවත වතාවක් රාජ්ය නොවන සංවිධාන සඳහා වන ජාතික ලේකම් කාර්යාලයේ ලියාපදිංචි වීමට සිදුවනු ඇති.
