ඉදිරි මහ මැතිවරණයේදී ජනාධිපති අනුර කුමාර දිසානායක මහතා සහ ඔහුගේ රජය ජයග්‍රහණය කිරීමට ඉඩ ඇති බව හිටපු අමාත්‍ය එස්.බී.දිසානායක මහතා පවසනවා.
අද (25) මාධ්‍ය වෙත අදහස් දක්වමින් එස්.බී.දිසානායක මහතා මෙම අදහස් පළ කළා.
ජයග්‍රාහී පක්ෂයක් සහ ජයග්‍රාහී ජනාධිපතිවරයෙන් මේ වන විට සිටින බවත්, එළඹෙන මැතිවරණයේදී එම පක්ෂයට වඩා වාසිදායක තත්වයක් උදා වනු ඇති බව ඔහු මෙහිදී සඳහන් කළා.
කෙසේවෙතත්, ප්‍රධාන පක්ෂ එකට එක්වී ශක්තිමත් විපක්ෂයක් තනාගෙන තරඟ කරනවානම් එය වඩාත් හිතකර වනු ඇතැයි එස්.බී.දිසානායක මහතා තවදුරටත් පවසා සිටියා.
ඉදිරි මහ මැතිවරණයේදී ජාතික ජන බලය (NPP) අවම වශයෙන් ඡන්ද මිලියන 6.5 ක් ලබා ගනු ඇතැයිද දිසානායක මහතා මෙහිදී අනාවැකි පළ කළා.
එමෙන්ම, පත්වූ නව ආණ්ඩුවේ කටයුතු බාධාවකින් තොරව සිදු කරගෙන යෑම සඳහා ඉඩ සැලසිය යුතු යැයි තමා විශ්වාස කරන බවද , එස්.බී. දිසානායක මහතා මෙහිදී පවසා සිටියා.
