වගාවන්ට අවශ්‍ය පොහොර සහ කෘෂි රසායනික ද්‍රව්‍ය නොමැතිවීම හේතුවෙන් නුවරඑළිය, එළවළු ගොවීන් අද (21) විරෝධතාවයක නිරත වුණා.
ඒ අනුව තම එළවළු තොග නුවරඑළිය ආර්ථික මධ්‍යස්ථානයට ලබාදීම ප්‍රතික්ෂේප කිරීම නිසා මේ වන විට නුවරඑළිය ආර්ථික මධ්‍යස්ථානය වසා දැමීමට එහි පාලනාධිකාරිය තීරණය කර තිබෙනවා.
මේ වන විට දිවයින පුරා ආර්ථික මධ්‍යස්ථානවලද එළවලු මිල විශාල වශයෙන් ඉහළ ගොස් තිබීම හේතුවෙන් තොග වෙළෙන්දන් දැඩි අසීරුතාවයකට පත්ව ඇතැයි සමස්ත ලංකා විශේෂිත ආර්ථික මධ්‍යස්ථාන එකමුතුවේ සභාපති, අරුණ ශාන්ත හෙට්ටිආරච්චි මහතා පවසනවා.
දිනකට ලක්ෂ 25 ක පමණ එළවලු තොග පැමිණෙන මැනින් වෙළෙඳපොළට මේ වන විට ලක්ෂ 5 ක පමණ අඩු ප්‍රමාණයක එළවලු තොග ලැබෙන බවයි ඔහු පෙන්වා දෙන්නේ.
තත්ත්වය මෙසේ පැවතියහොත් මාස දෙකක් වැනි කෙටි කාලයක් තුළ සියලු ආර්ථික මධ්‍යස්ථාන වැසී යන තත්ත්වයක් උදාවනු ඇති බව අරුණ ශාන්ත මහතා සදහන් කරනවා.
බොහෝ ප්‍රදේශවල එළවලු කිලෝවක සිල්ලර මිල රුපියල් 400 ක් වැනි දැරිය හැකි මට්ටමක පවතින බව අප වාර්තාකරුවන් සදහන් කළා.
